web counter
LEXO PA REKLAMA!

SHKARKO APP

App Store
Google Play

Tahiri: Jo më akuza në Parlament, shkoni ne Prokurori

12 Maj 2016, 11:18, Aktualitet CNA

Ministri i Brendshëm, Sajmir Tahiri ka reaguar pas fjalës së Berishës në Kuvend. Tahiri u shpreh se është taksirat për të rinjtë shqiptarë dhe për të gjithë ata që dëgjojnë se çlloj politike prodhohet nga foltorja e Kuvendit. Tahiri ka kërkuar që mos të përbaltet Policia e Shtetit. Ai theksoi se nëse dikush kërkon një të vërtetë le ti drejtohet Prokurorisë dhe organeve kompetente dhe jo të përbaltë me llloj lloj akuzash nga foltorja e Kuvendit. Tahiri ka folur edhe për reformën në drejtësi, duke u shprehur se koalicioni qeveritar është i gatshëm ta votojë, por është opozita ajo që nxjerr pretekste.

Tahiri: Nuk ndalon llumi i baltës që hidhet mbi këdo. Nuk di në çmënyre mund ti konsideroni shqiptarët kaq naivë sa për të mos kuptuar të vërtete kaq të thjeshta. Çfarë kuptimi ka që në këtë parlament të dalin lloj lloj njerëzish dhe të drejtojnë gishtin me përbaltje ndaj kujtdo. Ka instrumenta, ka komisione dhe ka prokurori ku mund të drejtoheni për të kërkuar të vërtetat që doni.

Sa herë që goditet krimi, aq më shumë shtoni baltosje ndaj Policisë së Shtetit. Kur u bë aksioni në Laarat, dilnit dhe akuzonit policinë se po dhunon qytetarët. Të ishit kaq me vullnet në luftën kundër krimit dhe trafikut të narkotikëve nuk do e kishit lënë Lazaratin në atë gjendje. Në respekt të shqiptarëve dhe të së vërtetës, llumi i akuzave dhe përbaltjes në Kuvend duhet të marrë fund. Juve nuk ju pëlqen asnjë histori suksesi e Policisë së Shtetit./ Citynews





Lajmet e fundit nga