web counter
LEXO PA REKLAMA!

SHKARKO APP

App Store
Google Play

E fundit!

x

Minjtë pushtojnë qytetin/ Veliaj bllokon biznesin

12 Maj 2016, 11:59, Aktualitet CNA

Citynews publikoi sot një video ekskluzive ku shihej qartë se minjtë kishin pushtuar një nga zonat më të frekuentuara të Tiranës, atë tek 21 dhjetori. Ky fakt përbën skandal për kryeqytetin dhe Bashkinë, për shkak se minjtë janë burim i sëmundjeve të rrezikshme.

Kryebashkiaku i Tiranës, Erion Veliaj, bllokoi dje për gati 3 orë rrugën e Durrësit për një proteste kundër Gjykatës së Apelit Administrativ, duke bllokuar edhe punën e bizneseve në atë zonë.

Së bashku me punonjësit e Bashkisë, pastrues e drejtorë, pa dallim, Veliaj nuk bllokoi vetëm rrugën e Durrësit, por bllokoi të gjithë sektorët e Bashkisë vetëm për të ushtruar presion ndaj Gjykatës së Apelit Administrativ për ndërtimin e pallatit tek diga e Liqenit.

Në fakt, protesta e djeshme e Bashkisë së Tiranës hedh dyshime të forta se Veliaj po kërkon përqindje për të lejuar ndërtimin e pallatit tek diga e liqenit.

Nga ana tjetër, minjtë që shfaqen në video kanë me muaj të tërë në atë zonë dhe po rrezikojnë të pushtojë kryeqytetin, pasi madhësia e tyre sa një mace, tregon se ata ndodhen në atë zonë prej kohësh.

Por, Erion Veliaj, në vend që të ushtrojë detyrën e tij për administrimin e qytetit, bllokon për tre orë punonjësit e Bashkisë, dhe merret me pronat e qytetarëve, ndërkohë që pallati tek diga është me leje të firmosur nga shefi i tij Edi Rama.

Protesta e djeshme, ndoshta është një mesazh për gjobë ndaj ndërtuesve. Kjo edhe për faktin e dy standarteve që Veliaj ka përdorur për ndërtimet në kryeqytet. Nga njëra anë ai betonizon Parkun e Liqenit, pret pemët dhe nga ana tjetër proteston për një ndërtim duke ushtruar presion ndaj Gjykatës së Apelit Administrativ, ndoshta për interesa personale./citynews

 





Lajmet e fundit nga