web counter
LEXO PA REKLAMA!

SHKARKO APP

App Store
Google Play

Protesta e Veliajt/ Gjergj Bojaxhi: Pazar i prishur nga një krah

11 Maj 2016, 18:13, Aktualitet CNA

Ish-kandidati për Kryetar i Bashkisë Tiranë, Gjergj Bojaxhi ka deklaruar se protesta e sotme e Erion Veliajt nuk bind askënd për qëllimin e mirë të saj. Në një reagim në rrjetet sociale, Bojaxhi shton se protesta duket si një pazar i prishur nga një krahë i Parkut të Liqenit, ndërkohë që në anët e tjera të tij puna vijon pa asnjë shqetësim.

Postimi i plotë nga Gjergj Bojaxhi

Show i rradhës i Bashkisë Tiranë sot u realizua nëpërmjet një thirrjeje të pazakontë për të nxjerr më së shumti anëtarët e Partisë Socialiste kundër Gjykatës Administrative.

Nuk dua të justifikoj për asnjë çast dhe për asnjë arsye sjelljen e kësaj Gjykate, por dëshiroj t?i kujtoj Kryetarit të Bashkisë që përveç modelit bosh të fasadës dhe shfaqeve që jep, ka në dorë mundësi reale dhe ligjore për të siguruar që zonat e mbrojtura brenda liqenit dhe përreth tij, të mos shkatërohen.

Duket absurde që Kryetari ?vajton? për një zonë specifike, ndërkohë që në anë të tjera të Parkut të liqenit, vlon ndërtimi i shumëkatësheve edhe me bekimin e tij, apo kur brenda parkut derdhen çdo ditë qindra metër kubë beton në kundërshtim të plotë me ligjin dhe planet urbanistike.

Që prej fushatës së fundit së zgjedhjeve vendore në Tiranë, kam kërkuar për të organizuar një referendum lokal për siguruar mbrojtjen përfundimtare të kësaj zone dhe zonave të tjera të ngjashme me të. Kush realisht dëshiron të shpëtoj përfundimisht Parkun e Liqenit dhe zonat e gjelbërta përreth tij t?i bashkohet kësaj nisme.

Hapësirat e gjelbërta në Tiranë sot po zhduken, dhe kjo po ndodh më së shumti prej vullnetit korruptiv të Kryetarëve të Bashkisë ndër vite. Ndaj dhe shfaqja e sotme nuk bind askënd për qëllimin e mirë të saj, sesa duket si një pazar i prishur nga një krahë i Parkut të Liqenit, ndërkohë që në anët e tjera të tij puna vijon pa asnjë shqetësim.





Lajmet e fundit nga