web counter
LEXO PA REKLAMA!

SHKARKO APP

App Store
Google Play

Zbardhet Raporti/ Edi Rama pushton televizionet kryesore në vend

11 Maj 2016, 15:29, Aktualitet CNA

Autoriteti i Mediave Audiovizive ka publikuar sot raportin e monitorimit mbi përmbajtjet e transmetuara në mediat shqiptare.  Në raportin e AMA-s janë publikuar të dhënat për kohën televizive që i është dhënë aktorëve kryesorë politikë në vend për muajin prill.

Nga ky raport, rezulton se kryeministri Edi Rama, ka marrë kohën më të madhe nga krerët e tjerë, ministra e deputetë. Sipas këtij raporti rezulton se në televizionet Top Channel, RTSH dhe Klan, kryeministri Rama ka marrë kohën më të madhe televizive. Më pas ndjekin kreu i PD, Lulzim Basha dhe kryeparlamentari Ilir Meta.

Nga monitorimi i AMA-s rezulton se figura e kryeministrit Edi Rama në muajin prill ka zënë 18.86% të kohës në televizionin publik shqiptar. Pas tij vjen kreu i PD, Lulzim Basha me 10.51 %, i cili ndiqet nga Ilir Meta me 2.74 % dhe Presidenti Nishani me 1.66%.

Top Channel

Top Channel e ka gati të balancuar hapësirën kohore mes kreut të qeverisë dhe atij të opozitës. Kryeministri Rama mban vendin e parë për hapësirën kohore në këtë televizion me 17.79%. Ai ndiqet nga kreu demokrat Lulzim Basha me 14.91% , Ilir Meta me 1.33% dhe Bujar Nishani me 0.77%.

Tv Klan

Në të njëjtën linjë duket se qëndron edhe Tv Klan për sa i përket hapësirës kohore midis krerëve të qeverisë dhe opozitës. Rama është figura më e transmetuar me 25.63 %. Kreu i opozitës vjen i dyti me 18.44%. Ndryshimi i vetëm i Tv Klan me televizionet e tjera është hapësira kohore kushtuar presidentit Bujar Nishani. Ai renditet i 3-ti me 7.95 % duke lënë pas kryeparlamentarin Ilir Meta me 0.92 %.





Lajmet e fundit nga