Nga Jorida Tabaku/ Pa frena në deflacion!

11 Maj 2016, 09:01, Aktualitet CNA

Të dhënat e fundit të INSTAT mbi Indeksin e Çmimeve të Konsumit (që është edhe treguesi i inflacionit në vend) dëshmuan qartësisht gjendjen reale të ekonomisë. Të gjitha mekanizmat e qeverisë për të fshehur deflacionin për publikun po shterohen.

Megjithëse për thuajse një vit kam shkruar dhe kritikuar qeverinë për gjendjen e stanjacionit në të cilin kishte futur vendin e ajo bëri rolin e shurdhit dhe memecit, tani gjendemi përpara një fakti të kryer. Inflacioni në nivelin 0.3% dëshmon gjendjen e prag vdekjes për ekonominë tonë, zërat të cilët kanë kontribut pozitiv janë të lidhur me shërbimet apo produktet për të cilat qeveria ka rritur taksat. Shembulli më i mirë është ai i zërit të ?Shërbimeve Arsimore? që në raport me vitin 2015 janë rritur me 4.8% ndërkohë që zërat e tjerë të shportës së produkteve vazhdojnë të bien në konsum.

Të dhënat flasin qartësisht për një gjendje deflacioni që hera herës mbulohet nga interpretimet e BSH e cila ndonëse zyrtarisht flet për disinflacion vazhdon të ulë pafundësisht normën e interesit duke dëshmuar se është shumë më e shqetësuar se sa deklaratat e saj për gjendjen aktuale. Kurse qeveria vazhdon të heshtë megjithëse ka qenë po aq e paralajmëruar nga indikatorët ekonomik sa edhe opozita.

Natyrshëm lind pyetja; A është në një gjendje kaq të rëndë ekonomia? Po!

Papunësia e rritur në 17.7%, kjo shifër ndjehet sidomos tek të rinjtë ndërsa plaga e shqiptarëve të rinj që largohen nga vendi rritet dita ditës aq sa 2.4% të shqiptarëve që ikën nga vendi jonë në 2015 i janë shtuar dhe rreth 1000 të tjerë sipas statistikave.

Pagat e shqiptarëve për herë të parë pas 15 viteve jo vetëm që nuk kanë pësuar një indeksim sa norma e inflacionit por ato kanë patur një rritje negative, duke qenë kështu më poshtë se sa norma e inflacionit. E cila, për vitin 2015 ka qenë më e ulët se sa vitet e mëparshme. Si pasojë e kësaj gjendje shtrëngese dhe pamundësie konsumatorëve u ka rënë besimi ndërkohë që bizneset vazhdojnë të jenë gjithnjë e më shumë konservatorë duke ulur fuqinë prodhuese. Nga të dhënat që ofron INSTAT, 5 nga 11 sektorët më me peshë në ekonomi janw nw rwnie nw 2015. Parashikimet për vitin 2016 janë edhe më të zymta e sipas FMN nuk pritet mw shumw se 2015.

Përballë kësaj panoramike të trishtë, qeveria nuk përpiqet të japë zgjidhjen por të propagandojë!

Opozita sot vjen me një plan që do t?i japë shtytjen e duhur bizneseve dhe ekonomisë së vendit të mbytur nga një taksim i pa kriter dhe i pa logjikshëm që ka ndodhur gjatë gjithë mandatit qeverisës të Rilindjes, 440 milionë euro taksa shtesë në 3 vite.

Ulja e taksave dhe eliminimin i tarifave të tepërta që qeveria ka vendosur mbi bizneset do të ndihmojë bizneset për të rimarrë frymë dhe për të ndjerë siç duhet politikën monetare të BSH.

Gjithashtu, ulja e normës së TVSH-së nga 20% që është aktualisht në 15%, do të ndihmojë në rritjen e konsumit.

E vetmja mënyrë se si shpëtohet nga kjo pikiatë pa frena drejt deflacionit është një politikë e re fiskale, politikë që qartësisht kjo mazhorancë nuk e ka në plan dhe as në vizionin e cunguar dhe më së paku mediokër që ajo ka për ekonominë.