E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Raporti/ KLSH zbulon shkelje në prokurimet publike të “Albcontrol”

11 Maj 2016, 06:36, Aktualitet CNA

Kontrolli i Lartë i Shtetit ka gjetur shkelje në lidhje me realizimin e tenderave në shoqërinë ?Albcontrol? gjatë vitit të kaluar. Nga auditimi me zgjedhje i dosjeve të prokurimit, për vitin 2015 në përllogaritjen e vlerës limit të kontratës, autoriteti kontraktor është mbështetur në studimin e tregut nëpërmjet sigurimit të ofertave për të njohur nivelin aktual, por nuk është dokumentuar nëse nga autoriteti kontraktor janë kryer analizat e kostos së mallrave që do të prokurohen, duke krahasuar elementet e mësipërm me specifikimet teknike, në kundërshtim me VKM nr.914, datë 29.12.2014 ?Për miratimin e rregullave të prokurimit publik?, raporton “Sot”

Po ashtu, KLSH ka vënë re se në të gjitha dosjet e audituara për vitin 2015, u konstatua se bashkëlidhur procesverbaleve të hartuara nga grupet e punës për llogaritjen e fondeve limit, mungojnë shkresat zyrtare drejtuar operatorëve ekonomikë për paraqitjen e ofertave. Gjithashtu, ofertat e paraqitura nga operatorët ekonomikë janë pa numër protokolli hyrës në Albcontrol SHA, veprime këto në kundërshtim me Ligjin për Prokurimin Publik dhe VKM nr. 914, datë 29.12.2014, si dhe me rregulloren e brendshme të Albcontrol SHA, ku përcaktohet se të gjitha shkresat hyrëse në shoqëri duhet të protokollohen, kjo ngarkon me përgjegjësi njësinë e prokurimit sipas procedurave të prokurimit. ?Marrja në dorëzim e dokumenteve të operatorit ekonomik fitues të procedurës së prokurimit me objekt ?Blerje mobilje për godinën Teknologjike? nuk është bërë në përputhje me VKM nr. 914, datë 29.12.2014 ? Për miratimin e rregullave të prokurimit publik??, thuhet në raportin e KLSH.

Në disa procedura prokurimi, konkretisht në procedurën e tenderit ?Rikonstruksion i godinës administrative të Albcontrol SHA?, ?Përmirësimi i infrastrukturës së rrjetit, sigurisë dhe komunikimit, Krijimi i qendrës së IP Telefonisë?, ?Blerje mobilie për godinën Teknologjike?, specifikimet teknike nuk janë hartuar plotësisht në përputhje me ligjin pasi ato nuk duhet të kenë asnjë kërkesë apo referencë të ndonjë marke apo emri të veçantë, patente, vizatimi ose tipi, origjinë specifike, prodhuesi ose sipërmarrje shërbimi, përveç rasteve kur nuk ekziston një mënyrë e mjaftueshme, e saktë apo e kuptueshme, e përshkrimit të kërkesave, me kusht që fjalët ?ose ekuivalent? të përfshihen detyrimisht në këto specifikime.