web counter
LEXO PA REKLAMA!

SHKARKO APP

App Store
Google Play

Dëshmia e Gilmano Danit/ Bëj një jetë të shthurur, mblidhem rrallë në shtëpi

9 Maj 2016, 06:41, Aktualitet CNA

Është zbardhur një pjesë e dëshmisë së Gilmando Danit, shokut të ngushtë të Emiljano Shullazit, i cili ka deklaruar se bën një jetë të shthurur dhe qëndron shumë me shoqërinë. Dani disa muaj më parë është dënuar me gjobë nga Gjykata e Tiranës për moskallëzim krimi, lidhur me plagosjen e Valmend Pelivanit në vitin 2015, shoku i Gilmando Dani. Ky i fundit ka qenë i akuzuar për plagosjen, por më pas Gjykata e dënoi për moskallëzim krimi duke u bazuar tek dëshmitë. I marrë në pyetje për këtë rast, Gilmando Dani sqaroi të gjithë ngjarjen dhe tha se nuk ka asnjë lidhje me plagosjen e shokut të tij. Madje, nuk e dinte se kush e kishte plagosur pasi vet Valmend Pelivani nuk i kishte treguar asgjë.

?Akoma nuk e di se çfarë kishte ndodhur, pasi edhe sot nuk e di se kush e ka qëlluar dhe si, thjesht konstatova një rënkim të thellë të Valmendit dhe u interesova për shëndetin e tij. Nuk kam lëvizur asnjë ditë nga Tirana, nuk i jam fshehur policisë, thjesht bëj një jetë të shthurur dhe rri shumë me shoqërinë, kështu që mblidhem rrallë në shtëpi. Dua të shtoj se vëllai im Orgesi mbahet kot në burg, bashkë me Kalemajn?, tha ndër të tjera Dani në dëshminë e tij.

 





Lajmet e fundit nga