Marko Bello: Dhuna në sport si maja e ajsbergut

9 Maj 2016, 06:18, Aktualitet CNA

Ish-deputeti i Partisë Socialiste, Marko Bello është shprehur se dhuna në sport është maja e ajsbergut e dhunes që mund të trondisë krejt shoqerinë. Përmes një komenti në rrjetet sociale, Bello shkruan se dhuna në familje, dhuna ne shkolla, lagje apo në parlament, dhunimi dhe shkelja flagrante e te drejtave nga institucionet shteterore janë duke kontribuar në ngjizjen e shpërthimin e një dhune me pasoja të renda për të gjithë.

Ja çfarë shkruan ish-deputeti Marko Bello

Nuk eshte hera e pare qe fushat e blerta te futbollit kthehen ne arena dhune dhe vandalizmi.

Grushta, shkelma, goditje me leva, gure, gjakosje, terror, ngujim ne dhomat e zhveshjes, fjalor vulgar, sharje e fyerje pa fund.

Me keq akoma eshte kur inspirues te rrugacerise neper stadiume behen drejtues te klubeve, trajnere apo ndihmes te tyre, te cilet jane vite drite larg nga koleget e tyre ne vendet europiane.

Por kulmi arrin kur vete futbollistet, ata qe duhet te jene shembull per t’u ndjekur nga te rinjte qe dashurohen me futbollin, heqin fanellen e lojtarit per te veshur ate te huliganit, duke nxitur tifozerine dhe i kerkuar asaj ta shtype dhe mbyse krejt rivalin.

Perballe dhunes ne rritje, federata, policia dhe organet ligjzbatuese duken te pafuqishme, ndersa masat e marra jane gjysmake dhe pa kurrfare efekti dhe rezultati imediat.

Dhe ajo qe eshte me frikshme, dhuna qe ne shohim neper stadiume eshte vetem maja e ajsbergut e dhunes qe po mbarset dhe mund te trondise krejt shoqerine.

Dhuna ne familje, dhuna ne shkolla, lagje apo ne parlament, dhunimi dhe shkelja flagrante e te drejtave nga institucionet shteterore, polarizimi i frikshem i shoqerise, padrejtesite dhe mosndeshkimi i atyre qe abuzojne me parate e qytetareve, arroganca e pushtetareve dhe adhurimi per “te fortet”, jane duke kontribuar ne ngjizjen e shperthimin e nje dhune me pasoja te renda per te gjithe.

Dihet se kembanat bien per ata qe kane veshe te degjojne sa nuk eshte vone…