web counter
LEXO PA REKLAMA!

SHKARKO APP

App Store
Google Play

Enri Ceno takon sekretarin e Homeland Security/ Shqiptarët, mbështetje të jashtëzakonshme për Amerikën

8 Maj 2016, 14:34, Aktualitet CNA

Anëtari në Kryesinë e Partisë Demokratike, Enri Ceno, njëkohësisht edhe Kryetar i Departamentit të drejtave të Njeriut dhe Shanseve të Barabarta në PD, është takuar me sekretarin e parë të Homeland Security në SHBA, Tom Ridge.

Përmes një postimi në rrjetet sociale, Ceno shprehet se Ridge i ka thënë atij se nuk do ta harroj kurrë atë që Shqipëria ka bërë për vendin e tij. Ai e quan mbështetjen e shqiptarëve ndaj SHBA-ve si dicka të jashtëzakonshme.

Postimi i Cenos

Nuk ndodh shpesh të falenderohesh në emër të diçkaje që Shtetet e Bashkuara e ndjejnë se i detyrohen Shqipërisë. Tom Ridge, Sekretari i parë i Homeland Security, i SHBA më tha se nuk do ta harrojë kurrë atë që Shqipëria ka bërë për vendin e tij.

Tom Ridge është një ushtar i vjetër i Amerikës. Mes përvojave të tij të pafundme, ai e ruan të gjallë mbështetjen që shqiptarët i dhanë SHBA pas sulmeve të 11 shtatorit. Ne shqipëtarëve, ndoshta kjo mbështetje për Amerikën na duket e natyrshme, por Tomi ngul këmbë ta quajë të jashtëzakonshme.

Më tha se shqiptarët janë të ndershëm dhe besnikë, dhe se gëzohej shumë që pati rastin të na shihte dhe të më shtrëngonte dorën në shtëpinë e tij.

Ishte emocionuese të merrja mirënjohjen e një njeriu të tillë në emër të vendit tim, edhe pse jam tepër i ri, që ti njoh vetes çfarëdolloj merite.





Lajmet e fundit nga