web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Bashkia e Pustecit pa farmaci

8 Maj 2016, 11:42, Aktualitet CNA

Sistemi shëndetësor është një nga fushat më problematike në vend. Shpesh herë, qytetarët kanë denoncuar kushtet skandaloze të spitaleve, mungesën e shërbimit apo korrupsionin nga ?bluzat e bardha?, por në Pustec situata është e pazakontë. Banorët e Bashkisë së Pustecit po vuajnë prej kohësh mungesën e farmacive në zonën e tyre.  Bashkia e Pustecit u krijua nga ndarja e re territoriale që u fut për herë të parë në zgjedhjet lokale të vitit  2015. Kjo bashki përbëhet nga 9 fshatra me një numër prej 4532 banorë.

Në denoncimin e ardhur në citynews.al, banorët shprehen se për të gjetur një farmaci, duhet të udhëtojnë deri në qytetin e Korçës. Mungesa e farmacive në këtë zonë është kthyer në një problem për banorët pasi në rast të ndonjë urgjence për ilaçe, Pusteci, e cila tashmë është bashki më vete, nuk mund ti sigurojë atyre shërbimin e kërkuar. Sipas banorëve të Pustecit, mungesa e farmacive është denoncuar edhe tek institucionet përkatëse, por deri tani nuk ka pasur asnjë reagim.

Bashkia e Pustecit përbëhet nga 9 fshatra: Pustec, Diellas, Lajthizë, Zarkoshë, Cerje, Goricë e Vogël, Goricë e Madhe, Kallamas dhe Gollomboc, por në asnjërën prej tyre nuk ka farmaci. Kjo gjendje nuk prek vetëm banorët e këtyre zonave pasi Pusteci është një destinacion turistik për vendas dhe të huaj. Mungesa e farmacive është një reklamë e shëmtuar për zonën dhe për Shqipërinë./citynews





Lajmet e fundit nga