web counter
LEXO PA REKLAMA!

SHKARKO APP

App Store
Google Play

Incident në kryesinë e PD/ Salianji fyen figurat e partisë

28 Prill 2016, 12:10, Aktualitet CNA

Një incident ka ndodhur sot në mbledhjen e Partisë Demokratike, ku sekretari për aksionin qytetar, Ervin Salinji ka fyer figurat e hershme të “selisë blu”.

Burime nga PD thanë për citynews se në mbledhjen e sotme, Salianji ka fyer rëndë deputetët dhe figurat e partisë.

Gjatë fjalës së tij në mbledhje Salianji i është drejtuar kryetarit Lulzim Basha me fjalët: ?Zoti kryetar, si mund tu besosh zgjedhjet në parti këtyre fytyrave??

Të njëjtat burime theksuan se Salianji ka kërkuar largimin e personave që sollën humbjen në zgjedhjet lokale të vitit 2015. Sipas Salianjit, këta persoana kanë qenë shkaku i humbjes.

Pas këtyre fjalëve të rënda, ka ndërhyrë menjëherë kryetari Lulzim Basha, i cili i ka kërkuar Salianjit të shprehë falje për fyerjet dhe qëndrimet thekatare e përcarëse.

Fyerjet kanë ofenduar rëndë figurat e Partisë Demokratike si Arben Imami, Florjon Mima, Jemin Gjana, Flamur Noka etj, të cilët kanë dënuar fjalët e Ervin Salianjit.

Mësohet se pas ndërhyrjes së figurave të PD dhe kryetarit Lulzim Basha, Ervin Salianji, ka kërkuar falje mes lotëve dhe qurravitjeve.

Tentativa e Salinjait për të rënë sy brenda Partisë Demokratike duke ofenduar figurat e kësaj partie ka dështuar. Në mënyrë qesharake, ai ka shpërthyer në akuza ndaj personave me peshë në PD, por ndërhyrja e kryetarit Basha dhe figurave ka detyruar Salianjin të tërhiqet./citynews





Lajmet e fundit nga