web counter
LEXO PA REKLAMA!

SHKARKO APP

App Store
Google Play

Kokainë dhe hashash/ Kapen dy kosovarë dhe 2 kryeqytetas

28 Prill 2016, 08:21, Aktualitet CNA

Policia e Tiranës sekuestroi sot 25.8 gramë kokainë dhe 195.8 gramë hashash, duke vënë në pranga 4 persona.

Skuadra e posaçme “Shqiponjat” në bashkëpunim me Seksionin për narkotikët, kanë arrestuar në flagrancë  katër shtetas për veprën penale “Prodhim dhe Shitje e narkotikëve në bashkëpunim”.

Më datë 27.04.2016, gjatë patrullimit të sektorit nga skuadra Shqiponjat, kanë bërë të mundur shoqërimin dhe më pas Seksioni për Narkotikët ka bërë të mundur arrestimin e shtetasve Agron Mulolli, 37 vjeç dhe Jeta Blakqori-Murturi, 33 vjeçe, të dy banues në Prishtinë të Kosovës. Gjithashtu u arrestua edhe  Erdi Alazi, 19 vjeç dhe Pano Ilia, 20 vjeç, banues në Tiranë.

Shtetasit Agron Mulolli gjatë kontrollit të ushtruar në automjetin tip “BMË” me targa Kosovare, me të cilin udhëtonte së bashku me shtetasen Jeta Blakqori-Murturi, është gjetur një qese, brenda së cilës kishte pluhur ngjyrë të bardhë të dyshuar lëndë narkotike e llojt “Kokainë”.

Shtetasit Erdi Alazi gjatë kontrollit fizik të ushtruar, i është gjetur një qese, brenda te ciles kishte bimë të dyshuar narkotike e llojt “Cannabis Sattiva”.Me pas eshte  afruar mjeti tip “Smart” me drejtues shtetasin Pano Ilia, të cilit gjatë kontrollit fizik dhe kontrollit të mjetit i janë konstatuar disa qese farmaceutike të mbushura me bimë të dyshuar narkotike e llojt “Cannabis Sattiva”.

Në cilësinë e provës materiale janë sekuestruar:

– 25.8 gram, lëndë e dyshuar narkotike e llojt “Kokainë”

– 195.8 gram, lëndë e dyshuar narkotike e llojt “Cannabis Sattiva”

– 2 automjete





Lajmet e fundit nga