Dhunuan çiftin në pyll/ Dënohen me 33 vjet burg dy autorët

27 Prill 2016, 09:09, Aktualitet CNA

Me 33 vjet burg u dënuan dy autorët e dhunimit dhe kërcënimit të një çifti në një pyll në Seman të Fierit. Endri Goga 22 vjeç u dënua me 24 vite burg dhe Shaban Skeja 20 vjeç, me 9 vite burgim.

Gjithçka ka ndodhur 20 tetorin e vitit 2014, kur çifti kishte dalë për shëtitje dhe kur dy të rinjtë i dhunuan dhe kërcënuan me armë, ndërkohë që vajzën e përdhunuan në mes të pyllit.

Vendimi i Gjykatës:

I pandehuri Endri Goga është dënuar me 24 vjet burgim, ndërsa bashkëpunëtori i tij, Shaban Skeja, me 9 vite burgim. Procesi ndaj tyre është zhvilluar me gjykim të shkurtuar dhe për këtë arsye, ata përfitojnë uljen me 1/3 e dënimit.

Prokuroria e Fierit ka zhvilluar hetimet, nga të cilat kanë rezultuar se:

Në datë 20.10.2014, çifti V.M dhe E.A. kishin dalë për shëtitje në zonën e plazhit të Semanit. Në një moment intim ndërmjet tyre, pranë makinës ku gjendej çifti janë afruar dy persona të armatosur, të cilët kanë ushtruar dhunë, me qëllim marrjen e portofolëve dhe sendeve me vlerë që kishin në posedim.

Në dinamikë të ngjarjes, i pandehuri Skeja ka nxjerrë nga makina shtetasin V.M., duke e shtrirë në tokë nën kërcënimin e armës, ndërkohë që i pandehuri Goga ka ushtruar kontroll për sende me vlerë në automjetin e çiftit, ku gjendej edhe e dëmtuara E.A.

Gjatë kontrollit të mjetit, i pandehuri Goga ka kërcënuar me armë të dëmtuarën, duke ushtruar ndaj saj edhe dhunë seksuale. Pas akteve të dhunës, dy të pandehurit janë larguar nga vendi i ngjarjes, ndërkohë që të dëmtuarit kanë bërë kallëzim në Polici.

Në vijim të hetimeve të zhvilluara nga Prokuroria e Fierit, ka rezultuar se autorët e veprave penale janë të pandehurit Endri Goga dhe Shaban Skeja, të cilët u arrestuan pak kohë pas ngjarjes.

Gjykata e Fierit i dënoi të pandehurit për veprat penale; (Endri Goga) ?Marrëdhenie seksuale ose homoseksuale me kërcënim me përdorimin e armës?; ?Vjedhja me dhunë?, në bashkëpunim; ?Prodhimi dhe mbajtja pa leje e armëve luftarake?

(Shaban Skeja) për veprat penale ?Vjedhja me dhunë?, në bashkëpunim; ?Prodhimi dhe mbajtja pa leje e armëve luftarake