web counter
LEXO PA REKLAMA!

SHKARKO APP

App Store
Google Play

“Terroristi” shqiptar ikte në Londër për kura ndaj kancerit/ Vdiq në Itali

27 Prill 2016, 06:55, Aktualitet CNA

Shqiptari 30-vjeçar Ziaden Gjorgji, që u arrestua vjet në aeroportin e Katanias të Italisë, nuk ishte terrorist, por detyrohej të shkonte në Londër për t?u kuruar nga kanceri.

Mediat italiane zbulojnë këtë histori të dhimshme të bashkëkombasit tonë, i cili janarin e vitit të kaluar u etiketua si terrorist, pasi kishte dokumente false për në Londër.

Por meqë shqiptarët nuk shkojnë dot në Angli me viza Shengen, Gjorgji kishte falsifikuar dokumentet, për të arritur kurimin nga sëmundja e rëndë, gjë të cilën nuk e arriti dot. Ai vdiq në dhjetor 2015.

Kur u arrestua në janar 2015, kishte një aparat ku ishin ruajtur disa foto të tij me Emiljan Demirajn,  ndërsa mbanin në duar një armë automatike kallashnikov.

Aparati iu gjet nga policia kufitare e aeroportit gjatë kontrollit, ku mes të tjerash iu sekuestruan edhe dokumente të tjera me nënshtetësi të ndryshme. 30-vjeçari kishte një biletë për në Londër, të blerë në internet dhe u paraqit në pikën e kontrollit të një avioni që nisej për në Bukuresht me dokumentin e tij origjinal  dhe me fletëhyrjen e rregullt.

 





Lajmet e fundit nga