Mbi 100 mln lekë dëm/ Lirohen biznesmeni Fisheku dhe 7 inspektorët

24 Prill 2016, 17:21, Aktualitet CNA

Gjykata e Tiranës ka lënë të lirë biznesmenin e naftës Iliaz Fisheku 57 vjeç dhe 7 inspektorë të Tatimeve. Fisheku u arrestua për fshehje të të ardhurave dhe mospagim të taksave, ndërsa sot Gjykata vendosi ta lërë atë në arrest shtëpie me mbikëqyrje elektronike deri në përfundim të hetimeve. Bashkë me biznesmenin Fisheku u arrestuan edhe 7 inspektorë e ish-inspektorë të Tatimeve. Të arrestuarit me detyrë inspektorë të verifikimit në terren pranë Drejtorisë Rajonale Tatimore Tiranë gjatë periudhës kohore 2010 deri më 2015 gjatë ushtrimit të detyrës së tyre funksionale kanë favorizuar subjekte të ndryshme tregtare ndër ta dhe subjekti tregtar ?Martini Petrol? me aktivitet në fushën e tregtimit të karburanteve duke e lejuar atë të kryejë aktivitet tregtar pa u rregjistruar në QKR dhe organet tatimore të cilat i kanë shkaktuar buxhetit të shtetit një dëm në vlerën 101.805.583 lekë të reja i konsideruar evazion fiskal. Iliaz Fisheku është administrator i subjekteve ?Martini Petrol? dhe ?Petrol Impex?. Gjithashtu, u liruan edhe të gjithë të arrestuarit e tjerë, mes të cilëve ishte edhe vëllai i ish-ministrit Leonard Solit. Inspektorët dhe ish-inspektorët që u liruan janë:

1. Platon Solis 51 vjeç, banues në Leskovik, me detyrë inspektor i verifikimit në terren pranë Drejtorisë Rajonale Tatimore Tiranë

2. Ajaz Shehu 51 vjeç, banues Tiranë, me detyrë ish inspektor i verifikimit në terren pranë Drejtorisë Rajonale Tatimore Tiranë

3. Dhimiter Veshi 47 vjeç, banues në Tiranë, me detyrë inspektor i verifikimit në terren pranë Drejtorisë Rajonale Tatimore Tiranë

4. Arjan Daja 51 vjeç, banues në Tiranë, me detyrë inspektor i verifikimit në terren pranë Drejtorisë Rajonale Tatimore Tiranë

5. Saimir Kaziu 39 vjeç, banues në Tiranë, me detyrë ish inspektor i verifikimit në terren pranë Drejtorisë Rajonale Tatimore Tiranë

6. Bajram Frangu, banuese në Tiranë, me detyrë ish inspektor i verifikimit në terren pranë Drejtorisë Rajonale Tatimore Tiranë

7. Gentian Subashi 38 vjeç, banuese në Tiranë, me detyrë ish inspektor i verifikimit në terren pranë Drejtorisë Rajonale Tatimore Tiranë