web counter
LEXO PA REKLAMA!

SHKARKO APP

Ja pse lëngjet e frutave nuk i largojnë toksina nga trupi ynë

24 Prill 2016, 14:15, Lifestyle CNA

Kemi dëgjuar të gjithë se lëngjet e frutave eleminojnë toksinat nga trupi ynë dhe pastrojnë organizmin, por sa e vërtetë është kjo?

Një studim i zhvilluar nga disa mjekë amerikanë na tregon se nuk është pikërisht kështu. Ja përse.

Më tepër sesa një nevojë për shëndetin bëhet fjalë për një trend të ri.

Të famshmit i pijnë, i publikojnë në rrjetet sociale, i gjejmë kudo nëpër bare e kafe, në qendrat e trajtimit spa dhe nëpër supermarkete.

Doktor James H. Grendell, ka pyetur disa nga pacientët e tij se nga çfarë kërkojnë të dezintoksikohen saktësisht, por ata nuk kanë ditur t?i përgjigjen kësaj pyetjeje.

Nuk ka dyshim që toksinat ekzistojnë dhe janë të dëmshme për trupin tonë; alkooli, ilaçet e forta apo pesticidet janë të rrezikshme, por trupi i eliminon ato vetë në mënyrë të pavarur.

Trupi i njeriut është projektuar në mënyrë të tillë që të eleminojë mbetjet dhe toksinat dhe disa organe si mëlçia kanë pikërisht këtë funksion.

Mirëpo kjo nuk do të thotë se këto pijë nuk kanë  përfitime për shëndetin pasi ato përmbajnë vitamina të nevojshme, por është e gabuar të themi se ato pastrojnë trupin tonë nga helmet.





Lajmet e fundit nga