web counter
LEXO PA REKLAMA!

SHKARKO APP

App Store
Google Play

E fundit!

x

Xhelal Mziu i pafajshëm/ Balla: Urgjente Reforma në Drejtësi!

22 Prill 2016, 18:40, Aktualitet CNA

Nënkryetari i Grupit Parlamentar socialist, Taulant Balla, ka reaguar lidhur me vendimin e sotëm të Gjykatës së Apelit, ku shpalli të pafajshëm Kryebashkiakun e Kamzës, Xhelal Mziun. Përmes një deklarate në rrjetin social Facebook, Balla shprehet se ky vendim është një kambanë tjetër në morinë e kambanave që bien çdo ditë në gjykatat shqiptare, për nevojën urgjente të reformës në drejtësi.

Reagimi i plotë i deputetit socialist Taulant Balla

Me një vendim sa qesharak aq edhe shëmbëlltyrë e degradimit ku është sot sistemi gjyqësor në Shqipëri, Gjykata e Apelit e shpalli të pafajshëm Xhelal Mziun për akuzën e provuar të shpërdorimit të detyrës. Megjithëse Kryetari i Bashkisë së Kamzës, në prill të vitit të kaluar u dënua nga Shkalla e Parë me dy vite burgim për shpërdorim detyre, sot tre gjyqtarë e çliruan përkohësisht Xhelalin nga përgjegjësia.

Unë e kam ndjekur me vëmendje këtë proces, të cilin e konsideroj pa asnjë dyshim, një proces tipik pazari, po asnjë lidhje me drejtësinë.

Kam ndjekur me vëmendje se si u përjashtuan nga trupa dy gjyqtarë me të cilët dështuan negociatat e pazarit dhe si pas shumë “procedurash” u gjetën dy gjyqtare “të besueshme” për të dhënë “drejtësi.

Si ka mundësi që kaq hapur në një proces gjyqësor ndaj “liderit të ri karizmatik” të PD, sikurse është Xhelal Mziu, mund të pranohet që në trupën gjyqësore të jetë militantja botërisht e njohur e PD, Fatmira Hajdari (njëkohësisht bashkëshortja e të ndjerit Azem Hajdari).

Vendimi i sotëm është një kambanë tjetër në morinë e kambanave që bien çdo ditë në gjykatat shqiptare, për nevojën urgjente të reformës në drejtësi.





Lajmet e fundit nga