web counter
LEXO PA REKLAMA!

SHKARKO APP

App Store
Google Play

Pronësia e “Vollgës”/ Gjyqtari: S’ka shkelje, rregulluam gabimin e Hipotekës

22 Prill 2016, 20:06, Aktualitet CNA

Vladimir Skënderi, njëri nga 3 gjyqtarët për të cilët Prokuroria e Durrësit njoftoi se ka nisur hetim për ?shpërdorim detyre? për gjyqin e pronësisë aë ish-hotel ?Vollgës”, ka deklaruar se vendimi i dhënë nga trupa gjyqësore në vitin 2013 është i drejtë dhe i bazuar në ligj dhe prova. Në një intervistë për Ora News, gjyqtari Skënderi, thotë se procesi gjyqësor, ka zgjatur një vit derisa ka marrë formën e prerë, ndërsa prona rezulton të jetë dhuruar disa muaj më vonë.

“Në rastin konkret në si gjyqtarë me këtë vendim kemi ndrequr një parregullësi që ishte bërë nga ana e Zyrës së Regjistrimit të Pasurive të Paluajtshme.  Cfarë kishte bërë kjo zyrë? Jo zyra aktuale, zyra e asaj kohe. Punonjësit e asaj kohe kishin çregjistruar pronësinë e hotel Vollgës që ishte e regjistruar në emër të shoqërisë ?Saudi Brother Commercial Company?, e kishin çregjistruar pronësinë nga emri i kësaj shoqërie pa vendim gjyqësor dhe pa u thirrur kjo zyrë. Kushtetuta thotë që askujt nuk mund ti hiqet prona pa një proces të rregullt ligjor, neni 42 i kushtetutës. Këtë shkelje që kishte bërë Zyra e Regjistrimit të Pasurive të Paluajtshme që kishte hequr pronën shoqërisë ?Saudi Brother Commercial Company? e rregulloi trupi gjykues dhe anulloi fshirjen që kishte bërë zyra e regjistrimit dhe e ktheu gjendjen në situatën e mëparshme, që do të thotë e urdhëroi Zyrën e Regjitrimit që prona të qëndrojë e regjistruar në emër të ?Saudi Brother Commercial Company? ” është shprehur Skenderi.

Gjyqtari Valdimir Skënderi, thotë se nuk është ka një njoftim zytarë ndaj tij nga Prokuroria dhe as gjykata, ndërsa lajmin për hetimin, e ka marrë nga të afërmit nëpërmjet mediave.





Lajmet e fundit nga