web counter
LEXO PA REKLAMA!

SHKARKO APP

App Store
Google Play

E fundit!

x

In memoriam/ Dy vjet pa Koci Petritin

20 Prill 2016, 15:38, Aktualitet CNA

Dy vite më pare ndërroi jetë Koçi Petriti. Liriku i papërsërithsëm i poezisë shqipe. Anton Papleka ka shkruar: ?Në qoftë se sot, apo në të ardhmen, mund të bëhen gjithfarë eksperimentesh poetike, të imitohen deri në plagjaturë teknika moderniste, një vepër si ?Lirikat e majit? nuk mund të shkruhet më, sikundër nuk mund të shkrueheshin ?Lulet e verës? të N. Frashërit, ?Vallja e yjeve e L.Poradecit apo ?Vargjet e lira? të Migjenit?./ Erget Cenolli

Pranvera
Qepallat kur i hapi pranvera një mëngjes,
Ngadalëz kurmi i tokës për kurm të saj u ndëz,
Me puthje përkëdheli jeshilin e përgjumur,
Pa siti nëpër zemra sërish ëndrrën e bukur,
Si çupë faqe-shpuzë shëtiti mes për mes.

Nën velin e mëndafshtë, pranvera zbuloi gjinë,
Burbuqet çelën buzët, tërfilat krahët shtrinë,
E joshi gjithësinë me puthje qumështore,
Pa shtiri dehje aromash e prush në kraharore,
Sa zogjtë e sapokkthyer në mall për të u shkrinë.

Me zëra, trille e ngjyra natyrën e qëndisi,
E ndjenjës i dha flatra dhe trupin e harlisi,
Dre bëri çdo djalosh e shpend çdo shpirt plakush.
Sikur përbrenda kurmit hyn vjedhur tjetërkush,
Me ngasje mëkatare ndijimet gudulisi.

Koçi Petriti, nga “Dhimbja ime dalin zogj”





Lajmet e fundit nga