web counter
LEXO PA REKLAMA!

SHKARKO APP

App Store
Google Play

E fundit!

x

Transporti Urban/ Skandalet vazhdojnë (Video)

20 Prill 2016, 13:53, Aktualitet CNA

Skandalet në sektorin e transportit publik në Tiranë nuk kanë fund. Në një video që ka siguruar cityneës duket qartazi ndotja nga shkarkimet që lëshon autobuzi.

Në fakt, skandalet e transportit urban në kryeqytet nisën në fund të viti, kur Bashkia e Tiranës vendosi të rrisë cmimin e biletës me 33%. Disa ditë përpara se Këshilli Bashkiak i Tiranës të miratonte rritjen e çmimit, kryebashkiaku Erion Veliaj tha se cmimi i biletës nuk do të rritet, por kjo deklaratë rezultoi një gënjeshtër.

Pas miratimit për rritjen e cmimit të biletës, Veliaj u justifikua duke thënë se kushtet e transportit urban do të përmirësohen ndjeshëm.

Mjafton të kryejmë një shtëtije me një nga linjat e kryeqytetit dhe kuptohet qartazi se kushtet nuk janë përmisuar. Sot, kompanitë e transportit nuk kanë futur asnjë autobus të ri. Mjetet aktuale të transportit urban lënë për të dëshiruar dhe nuk justifikojnë cmimin e rritur të biletës.

Pa harruar kushtet në brendësi të mjeteve të transportit, për të cilat qytetarët ankohen cdo ditë. Era e rëndë, papastërtia dhe numri i madh i pasagjerëve në një autobus të vetëm janë disa nga shqetësimet e qytetarëve.

Një tjetër problem i transportit urban në kryeqytet, është mosrrespektimi i orarëve. Qytetarët ankohen për vonesat e autobusëve. Në disa prej linjave të transportit, autobusi arrestohet deri në 40 minuta duke krijuar fluks të madh qytetarësh dhe kushte të papërshtatshme për të udhëtuar.

Ndotja e ajrit

Citynews sjell sot një tjetër skandal të transportit urban në kryeqytet. Ndotja e ajrit që vjen nga lëshimi i gazrave të autobusëve. Në fakt, Tirana është një nga qytetet më të ndotura në rajon dhe një nga arsyet është përdorimi i makinave të vjetra apo jashtë standarteve. Video e mëposhtme tregon gazrat ndotës që lëshon ky mjet i transportit urban në kryeqytet. Vjetërsia e mjetit, gjëndja e tij dhe lënda djegëse që ai përdor janë faktorët që ndikojnë në ndotjen e ajrit. Edhe pse krybashkiaku Erion Veliaj tha se kushtet e transportit publik do të përmirësohen, asgjë e tillë nuk po ndodh. Përkundrazi, tashmë transporti urban po i ?vret? qytetarët e Tiranës me gazrat nga shkarkimet që lëshojnë në atmosferë./citynews

 





Lajmet e fundit nga