E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ja debatet mes Blushit dhe Ruçit në mbledhjen e grupit të PS-së për referendumin

11 Prill 2016, 17:12, Aktualitet CNA

Ai ka ngritur dyshimet se rezultati është i stisur dhe se kutitë e votimit janë mbushur. Por përgjigja i ka ardhur menjëherë nga kryetari i grupit parlamentar socialist, Gramoz Ruçi i cili i ka kërkuar Blushit që të bëjë një kërkesë zyrtare komisionit zgjedhor të partisë. Sipas tij, grupi parlamentar nuk është përgjegjës për materialet zgjedhore. Debate në mbledhjen e grupit parlamentar ka patur edhe për punën e ministrave të qeverisë ?Rama?.

Ka qenë Erion Braçe ai që ka kërkuar nga ministrat se duhet të mbrojnë në parlament punën e tyre përballë opozitës.

?Ministrat duhet të jenë të pranishëm në Kuvend gjatë seancës. Ne mbrojmë punën e ministrave në Kuvend, ata mungojnë. Dhe jo të vijnë në Kuvend vetëm kur vjen kryeministri se kur është ai vetë, ju jeni rehat në sallë?, ka deklaruar Braçe.

Nga ana tjetër, kryetari i grupit parlamentar të PS, Gramoz Ruçi ka urdhëruar ministrat që asnjë prej tyre të mos mungojë gjatë seancës së Kuvendit.

Debatet në grupin e PS

Blushi: Dua të më vihen në dispozicion materialet zgjedhore të referendumit. Jam i bindur që pjesëmarrja ka qenë e ulët dhe rezultati nuk është ai.

Ruçi: Nuk jemi ne përgjegjës për materialet zgjedhore.

Blushi: Ku janë procesverbalet?

Ruçi: Bëji kërkesë komisionit zgjedhor të partisë për materialet

Blushi: Nuk mu lejua të kisha vëzhgues në referendum.

Ruçi: Nuk ke depozituar asnjë kërkesë zyrtare për këtë.

Gjylameti: Gjatë seancës së të enjtes ne ishim të shqetësuar për kolegun Braçe, ndërsa Blushi vinte dhe me kërkonte llogari për shifrat e anëtarësisë.

Ruçi: Është respektuar Kodi Zgjedhor i partisë. Kanë votuar vetëm anëtarët e regjistruar deri në 31 dhjetor 2015.

Braçe: Ministrat duhet të jenë të pranishëm në Kuvend gjatë seancës. Ne mbrojmë punën e ministrave në Kuvend, ata mungojnë.

Ruçi: Ministrat të jenë të pranishëm në Kuvend. Është ngritur dhe herë të tjera ky shqetësim dhe ju vazhdoni ta shkelni këtë detyrim.

Braçe: Të jenë në seancë, dhe jo të vijnë vetëm kur vjen Kryeministri, se kur është ai vetë, ju jeni rehat në sallë