web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e PD-së për mbifaturime nga OSHEE/ Reagon qeveria

9 Prill 2016, 16:54, Aktualitet CNA

Qeveria ka reaguar pas akuzave të Partisë Demokratike lidhur me ankesat e qytetarëve për mbifaturime të energjisë elektrike. Në një reagim përmes Transparenca.al, qeveria deklaron se shifra e paraqitur nga PD prej 91,400 ankesa për mbifaturime është e pavërtetë dhe nuk ekziston.

Reagimi i plotë i qeverisë

Në lidhje me pretendimin e Partisë Demokratike mbi ankesat e qytetarëve për mbifaturime sqarojmë se shifra e paraqitur prej 91,400 ankesa për mbifaturime është e pavërtetë dhe nuk ekziston.

Ndërkohë që e vërteta është se për vitin 2015 janë depozituar ankesa për 38 mijë fatura të cilat përfshijnë një sërë problematikash si: Ankesa për faturim afrofe të ndara sipas periudhave rregullatore; Ankesa për mbifaturim; Ankesa të tjera për faturim gjatë kohës së pezullimit mbylljes; Depozitime vendime gjykate; Ankesa për dëm ekonomik, etj..

Ndër këto ankesa, 12 mijë prej tyre (ose 30%) përfaqësojnë fatura të lëshuara përgjatë periudhës 2007-2013.

Për sa i takon cilësisë së faturimit të vitit të kaluar, vetëm 8,800 klientë (12 mijë fatura) kanë depozituar ankesa për mbifaturim dhe faturim afrofe, shifër e cila përfaqëson më pak se 0.1% të totalit të faturave të emetuara gjatë vitit 2015. Mbi 90% e këtyre ankesave janë zgjidhur brenda vitit.





Lajmet e fundit nga