E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skandali/ Drejtori qindra milionë lekë për sigurimin e objekteve, karburant dhe goma

9 Prill 2016, 15:15, Aktualitet CNA

Në vazhdimësi të denoncimeve për vendimet skandaloze të Këshillit Mbikëqyrës të Ujësjellës Pogradec me kërkesë të drejtorit Valter Gora, citynews sjell sot të tjera fakte që vërtetojnë abuzimet e drejtorit me fondet e këtij institucioni.

Këshilli Mbikëqyrës i UK Pogradec ka vendosur të miratojë fonde me shifra 50 milionë për ndërtimin e një faqe web-i, shpenzime pa limit për celularin e drejtorit Valter Gora, pajisje kompjuterike, blerje makine, marrje me qira të ambienteve të dyshuara në pronësi të drejtorit dhe miratimin e klauzolës prej 500 milionë lekë të vjetra në rast se ai largohet nga puna.

Sot, citynews do të sjellë të tjera fakte për vendimet e miratuara nga Këshilli Mbikëqyrës me kërkesë të drejtorit Valter Gora.

Blerja e Karburantit dhe goma për makinat

Këshilli Mbikëqyrës i UK Pogradec ka vendosur një fond prej gati 80 milionë lekë të vjetra për blerje karburanti për nevojat e shoqërisë. Me një llogari të thjeshtë, 80 milionë lekë përkthehen në 50 mijë litra naftë. Pogradeci ka një sipërfaqe prej 13 km/2 që do të thotë se për 10 minuta me makinë mund të shkosh nga cepi në cep. Me 50 mijë litra naftë që Këshilli Mbikëqyrës ka vendosur të miratojë, duket se punonjësit bëjnë rrugë jashtë shtetit ose lëvizin me ?Ferrari?. Gjithashtu, ky këshill ka miratuar 12 milionë lekë të vjetra për gomat e automjeteve. Ndoshta punonjësit e UK Pogradec bëjnë xhirime me makinat e tyre dhe marrin pjesë në gara automobilistike që kanë në konsum të tillë gomash.

Ruajtja dhe sigurimi i objekteve/ Instalimi i kamerave të sigurisë

Një tjetër vendim i Këshillit Mbikëqyrës UK Pogradec është ai për Ruajtja e Sigurisë dhe Instalimi i Kamerave. Sipas vendimit që ka siguruar citynews, rezulton se Këshilli Mbikëqyrës ka miratuar fondin prej 200 milionë lekësh për ruajtjen dhe sigurimin e objekteve dhe një vendim tjetër me vlerë 30 milionë lekë për instalimin e kamerave. Këto dy vendime janë në përplasje me njëra-tjetrën, pasi çdo kompani ?security? përfshin edhe instalimin e kamerave. Të paguash 200 milionë lekë për sigurinë dhe të shtosh një tjetër vendim me një vlerë prej 30 milionë lekë të vjetra për instalimin e kamerave të sigurisë duket të jetë veprim për të nxjerrë më shumë fonde dhe përfitime.

Citynews do të vazhdojë të denoncojë vendimet abuzive të Këshillit Mbikëqyrës UK Pogradec. Në fund të denoncimeve, ne do të dorëzojmë në prokurori dokumentacionin e plotë të vendimeve abuzive të UK Pogradec derisa organi i akuzës të nisë hetimet.