web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama vjedh bashkë më të vëllain  

9 Prill 2016, 12:50, Aktualitet CNA

Ish kryeministri Sali Berisha ka denoncuar në faqen e tij në facebook një tjetër aferë  të qeverisë, të cilën ai vetë e ka quajtur ?Nje vjedhje klamoroze me ndërmjetësinë e Olsi Rames?

Sipas ish kryeministrit  për 13 km autostradë Farkë -Ibë do paguhet 36% më shumë sesa për gjithë tunelin e Krrabës.

Berisha thotë punimet e penguara deri tani për arsye nga më të ndryshmet, papritur morën zgjidhje, sipas tij falë ndërmjetësimit të vëllait të kryeministrit Olsi Rama.

?Eureka me ndërmjetësinë e Olsi Ramës, vllaçko Edi zgjidhi qesen për vete dhe vendosi të paguajë për këtë segment rreth 40% me shume sesa kushtuan 5.4 km tunel i malit te Krrabes, apo 82milione euro kundrejt 57 milione euro qe u paguan nga qeveria e meparshme per tunelin me gjatesi 5.4 km te malit te Krrabes: shkruan Berisha.

Sipas tij Rama këtë afere megakorruptive e justifikoi me argumenta fallco dhe qesharake.

?Sipas Ramës, kostoja e autostrades Farke-Ibe, traseja e të cilës kishte përfunduar në masën 60% para qershorit të vitit 2013, arrin në këto shifra që tejkalojne me 40% cmimin e tunelit sepse traseja ka shkare në 13 km të saj pra në të gjithë gjatësinë e saj?, argumenton Berisha.

Ai ka përfunduar duke thënë se kjo është megavjedhje e tmerrshme e takspaguesve shqiptar, për të cilën drejtësia, nën thundrën e krimit qeveritar hesht sot por nesër do të thotë fjalën e saj.





Lajmet e fundit nga