web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj: Bizneset e zonës së ish-Bllokut, do kalojnë në biznese të mëdhenj

9 Prill 2016, 16:15, Aktualitet CNA

Ministri i Financave Arben Ahmetaj ka deklaruar se bizneset e zonës së ish-Bllokut do të kalojnë në biznese të mëdhenj. Në një takim në Drejtorinë Rajonale të Tatimeve dhe Doganës në Tiranë, Ahmetaj kërkoi nga Drejtoria e Tatimeve të Tiranës të zhvillojë vizita fiskale në bizneset e zonës së ish-bllokut, të cilat sistemi i riskut në tatime i ka klasifikuar me risk të mesëm dhe të lartë. ?Nesër blloku nuk njeh biznes të vogël, janë të gjithë biznes i madh sepse e vërtëta kjo është, dhe unë në fund të javës, dua t?i tregoj publikut shqiptarë që ne e dimë shumë mirë se çfarë ndodh?-tha ministri.

?Është e domosdoshme që gjatë gjithë periudhës së planit, të reflektoni modesti dhe dua që t?i porosisni të gjithë punonjësit tuaj që të kenë një sjellje shembull me tatimpaguesit, pra shumë këmbëngulës, shumë profesional, por shumë modest?, theksoi Ministri Ahmetaj.

Ndërkohë Ahmetaj kërkoi që mallrat turke dhe kineze të kalojnë vetëm në doganën e Tiranës. ?Duke ditur se çfarë bëhet me mallrat turke dhe kineze, nuk do të bëhet më as në Durrës, as në Fier, askund tjetër. Të gjitha do të vijnë këtu. Dhe kini parasysh, se ju e dini shumë më mirë se unë se këtu bëhet problematika kryesore, tek mallrat turke dhe kineze, po flas në referencë të vlerës, dhe mos harroni se monitorimin do ta keni jashtëzakonisht shumë të madh? u shpreh Ahmetaj.





Lajmet e fundit nga