E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Vendimet më të çuditshme në botë/ Mundësuar nga Bashkia Pogradec

5 Prill 2016, 12:24, Aktualitet CNA

Kryebashkiaku i Pogradecit, Eduart Kapri, ka propozuar disa ndryshime për nivelin e gjobave administrative. Citynews ka mundur të sigurojë një kopje të vendimit për ndryshimin e gjobave. Në fakt, sic shihet edhe në dokument, disa prej ?shkeljeve? të cilat gjobiten me vlerë monetare janë absurde.

Më poshtë po ju sjellim disa nga këto vendime.

1– ?Ndërhyrja në ambientet e brendshme tek apartamentet e banimit pa lejen përkatëse të inspektoriatit ndërtimor pranë Bashkisë. (Tarifa për këtë leje të përkohshme 100 lekë)?, Gjoba: 3000 lekë të reja

Ky vendim, ndalon qytetarët e Pogradecit të kryejnë punime brenda shtëpisë së tyre. Pra, kujdes kur të ngulni një gozhdë në mur, apo kur të lyeni shtëpinë. Kryebashkiaku është aty, po ju vëzhgon.

2-?Peshkimi nga peshkatarët profesionistë e sportiv pa u pajisur me dokumentacionin përkatës për këtë veprimtari?. Gjoba: 1000-5000 lekë të reja dhe konfiskim i materialeve të përdorura

Gjetja e radhës, është me peshkimin. Është normale që për peshkimin profesionist, peshkatarët të pajisen me dokumentacion, por sipas këtij vendimi, peshkatarët sportiv duhet të pajisen me dokumentacion. Nëse një peshkatar sportiv shkon për fundjavë në Pogradec, duhet të marrë lejen e Eduart Kaprit për të kapur disa cironka.

Kreu i Bashkisë ka menduar edhe për të dehurit. Një nga vendimet, ndalon lokalet dhe dyqanet të tregtojnë pije alkolike për personat e dehur.

3-? Tregtimi i pijeve alkoolike për moshat nën 16 vjeç, persona të dehur dhe të sëmurë psiqik?. Gjoba: 2000-5000 lekë të reja.

Kështu, nëse ke kthyer ndonjë gotë alkool dhe ta ka qejfi a kthesh edhe një tjetër, lokali apo dyqani duhet të vendosë fillimisht nëse je i dehur ose jo dhe më pas të të shesë pijen.

4-?Shkarkimi i ujërave të shiut në kanalizimet e ujërave të zeza, derdhja e ujërave në rrugë publike nga pastrimi i oborreve familjare të shtëpive private dhe institucioneve?. Gjoba: 2000 lekë të reja

Shtëpitë me oborr duhet të kenë kujdes të madh. Nuk duhet të pastrojnë oborrin me ujë, dhe uji të dalë në rrugë. Kujdes edhe kur bie shi sepse uji i mbledhur në oborr mund të dalë jashtë dhe kështu, gjoba vjen poshtë derës.

5–Mbajtja dhe mbarështimi i bagëtive të mëdha, të imta, shpendëve në mjedise shtëpiake, apartamente banimi dhe në ambiente kolektive? Gjoba: 10000 lekë

Nisur nga gjoba e lartë, kryetari Eduart Kapri duhet të ketë kujtime të hidhura me kafshët. Nëse nuk e mban bagëtinë, apo shpendin në banesën e tij, ku duhet ta mbajë?

6–Ndotja e vendeve publike me jashtëqitje e shkarkuar nga kafshët gjatë shoqërimit të tyre. Mos eliminimi i ndotjes nga vetë pronari i kafshës dënohet me gjobë? Gjoba: 2000 lekë të reja

Dakord. Këtu ka të drejtë, pronari i qenit mban përgjegjësi për ndotjen e shkaktuar. Në fakt, kafshët që e kanë një pronar nuk krahasohen me ato pa pronar. Por, dhjetra qen enden rrugëve të Pogradecit dhe jashtëqitin të lirë. I bëjmë thirrje bashkisë të nisë menjëherë trajnimin e qenëve të rrugës për të mësuar si të pastrojnë jashtëqitjen e tyre.

7– ?Loja me top brenda territorit të plazhit dhe mjediset e gjelbëruara?. Gjoba: 200 lekë të reja

Ky vendim ndalon turistët dhe qytetarët e Pogradecit të luajnë me top në plazh. Në fund të fundit, në asnjë plazh të botës nuk luhet me top, pse duhet të luhet në Pogradec. Të paktën gjoba për këtë ?shkelje? është vetëm 200 lekë. Tani po presim të ndëshkohet edhe larja në liqen.

Këto vendime, të cilat dënohen me gjobë, janë qesharake për Pogradecin dhe qytetarët. Krybashkiaku Eduart Kapri ndoshta ka kryer ndonjë udhëtim në Hollandë dhe është frymëzuar, por Pogradeci nuk është Amsterdam./citynews