E fundit!

07:23 Aktualitet

Kërcënoi pronarët në Tropojë/ Rama degjeneron ish-zv.ministrin socialist: E bënte rrumbullak gjumin në zyrë

Kryeministri Edi Rama ka nxjerrë mesazhet e ish-zëvendësmi...

Skandal/ Institucioni, 50 milionë lekë për WEB-in

5 Prill 2016, 15:16, Aktualitet CNA

Citynews ka mundur të sigurojë vendimin skandaloz të Këshillit të Mbikëqyrjes i Ujësjellës Kanalizimeve në Pogradec, për miratimin e një fondi limit prej 50 milionë lekë të vjetra për ndërtimin e një faqe web-i. Vendimi është marrë më datën 9 shkurt 2016, pra afërsisht dy muaj më parë në kohën kur drejtor ka qenë Valter Gora.

Vendimi i Këshillit të Mbikëqyrjes, i cili mban firmat e 5 anëtarëve (Arben Bereberi – PLIDR, Vangjush Gusho – LSI, Anxhela Andoni – PS, Rajmonda Elmasllari – PS, Arian Mema – G99) ka vendosur për miratimin e një fondi limit për 50 milionë lëkë të vjetra për ndërtimin e një faqe web-i.

Ky vendim duket të jetë një abuzim skandaloz, nga ato që bëjnë vetëm ?sh.a?-të (shoqëri aksionere) në Shqipëri. Me një vendim kolegjial nxirret një fond prej 50 milionë lekësh për një web online, ndërkohë që ky do të jetë një web i thjeshtë informues për Ujësjellës Kanalizime Pogradec, duke mos harruar se kjo bashki është e rangut të dytë.

Citynews investigoi kostot dhe vlerën reale në treg për ndërtimin e një faqeje interneti, nga më i thjeshti siç i duhet Ujësjellës Kanalizimeve e deri tek ata që mund të quhen web-e me kosto të larta.

Siç e shihni edhe më poshtë, një template-t për web kushtojnë nga 18-175 dollarë. Ndërtimi dhe mirëmbajtja, përfshirë edhe blerjen e template, duke llogaritur maksimumin e mundshëm, kushton 1 milionë lekë të vjetra.

Ky shpenzim llogaritet për të ndërtuar portale që hedhin 200 lajme në ditë, jo si portalet e institucioneve siç është Ujësjellës Kanalizime Pogradec, që hedh një lajm në 6 muaj.

Ne kontaktuam edhe me një kompani private online dhe i bëmë një kërkesë pa i thënë për investigimin që po kryejmë. Ata na u përgjigjën duke thënë se ndërtimi i faqes së web-it fillon nga 200 euro. Pra, kompania private konfirmoi se duke llogaritur vlerën maksimale për shpenzimet e faqes shifra për ndërtimin e një web-i nuk i kalon 1 milionë lekë të vjetra.

Ky vendim për miratimin e një fondi prej 50 milionë lekësh nga Këshilli i Mbikëqyrjes është abuzim me propozim të Drejtorit, Valter Gora.

Citynews ka mundur të sigurojë edhe të tjera dokumente me vendimet që merren në këtë institucion, ku paratë e taksapaguesve bëhen rrush e kumbulla apo shkojnë në xhepa korrupsioni pas pazareve midis drejtorit dhe Këshillit Mbikqyrës./citynews