E fundit!

22:40 Politikë

Balla për protestën: Sot aty kanë mbetur “sorrat”, qytetarët meritojnë dialogun

Kryetari i Grupit Parlamentar të Partisë Socialiste, Taula...

Braktisja e Bashës në Shkodër/ Reagimi i tre gazetarëve dhe servilat e Lulit

4 Prill 2016, 08:53, Aktualitet CNA

Aktiviteti me rastin e ngjarjeve të dy prillit, i cili u zhvillua në Shkodër ishte një dështim për kreun demokrat Lulzim Basha. Dështim i cili në fakt ka emra konkretë sic janë drejtuesit e degëve në Shkodër apo sekretari organizativ i PD, pa lënë me një anë sekretarin e përgjithshëm dhe cdo strukturë tjetër në Partinë Demokratike, e cila merret me organizimin e të tillave aktivitete.

Gazetari Çim Peka, menjëherë pas ?dështimit ? me sukses në Shkodër, shkroi në rrejtet sociale se kishte më shumë iPhone dhe selfie se sa shkodranë në aktivitetin e Lulzim Bashës.

Në një shkrim për citynews, Elvi Fundo e quajti dështim aktivitetin e 2 prillit në Shkodër për shkak të pjesëmarrjes së ulët duke drejtuar edhe gishtin tek përgjegjësit.

Një qëndrim nëpërmjet një komenti të shkurtër në lidhje me këtë cështje ka mbajtur edhe gazetari Armir Shkurti, i cili ka thënë se pjesëmarrja në Shkodër ka qenë e ulët.

Janë këta tre gazetarë, dikush me komente dhe dikush me shkrime konkrete, të cilët kanë thënë të vërtetën e atij aktiviteti të zhvilluar me 2 prill në Shkodër. Një e vërtetë që në fakt, Lulzim Bashës i bën shumë mirë, pasi duhet të dëgjojë të tilla sa më shumë. Basha nuk mund të vazhdojë të mbulohet nga servilizma dhe mashtrime për suksese imagjinare, të cilat në fakt janë thjesht dështime.

E vërteta dhemb, por dhe bën mirë pasi tregon se ku qëndron realisht problemi. Ka edhe një zgjidhje tjetër që e përdorin servilat dhe mashtruesit rreth Bashës, dështimin e quajnë sukses dhe të vërtetën gënjeshtër.

Në rast se Basha do të vazhdojë të mos shohë me sy hapur dështimin e Shkodrës dhe të mos ketë një reagim për shumicën e degëve ku PD është e përçarë, ku luftojnë tre apo katër klane, ku kryetarët janë kthyer në bajraktar, ku kryesitë e degëve nuk mblidhen dhe nuk funksionojnë, ku zgjedhjet e tyre janë bërë të falsifikuara, pasojat do të jenë në zgjedhjet e ardhshme parlamentare./citynews