E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Kastriot MYFTARAJ/ Muxhahedinët iranianë dhe biseda për një anije e cila solli në portin e Durrësit “pasurinë” e tyre nga kampet në Irak

4 Prill 2016, 08:16, Aktualitet CNA

Ambasada Amerikane në Tiranë na tha se një zyrtar i shtetit shqiptar (drejtuesi i Pokurorisë për rrethin gjyqësor të Durrësit), konsiderohet si një person i cili nuk është aq i lidhur me Shqipërinë sa të kthehet përsëri në vendin e tij, nëse udhëton në SHBA me një vizë amerikane. Kur një zyrtar i shtetit shqiptar i cili merr një nga 500 pagat më të larta që paguan shteti shqiptar, vlerësohet kështu, del një pyetje. Pyetja është se si është e mundur që SHBA njëkohësisht e çmojnë Shqipërinë si një vend të përshtatshëm për strehimin e një prej organizatave më të mëdha, më të fuqishme dhe më problematike ushtarako-religjioze të botë, asaj të muxhahedinëve iranianë, me një numër të papërcaktuar zyrtarisht të anëtarëve të saj (marrëveshja mbetet e fshehtë), por që shkon deri në 10 mijë vetë. Organizata të tilla mund të strehohen në shtete me stabilitet të konsoliduar institucional, ekonomik, shoqëror. Madje edhe vende të mëdha që i kanë këto cilësi kanë kundërshtuar që ta strehojnë këtë organizatë. A mund të jetë një vend si Shqipëria, ku një nga 500 zyrtarët më të paguar të shtetit gjykohet si azilant potencial nëse merr një vizë amerikanë, vendi i cili ka minimumin e stabilitetit të mësipërm për të strehuar një organizatë si ajo e muxhahedinëve iranianë, e cila në të shkuarën ka treguar ambicje për të vënë nën kontrollin e saj territore të vendet ku është strehuar, për të zhvilluar veprimtaritë e saj kriminale me qëllim nxjerrjen e të ardhurave financiare, që nga kultivimi dhe trafiku i drogës, trafiku i armëve, qënieve njerëzore etj? Është e qartë se jo.
Imagjinoni se cfarë mund të bëjë një organizatë si ajo e muxhahedinëve iranianë, me rekorde të njohura ndërkombëtare terroriste dhe mafioze, me burime të mëdha financiare ndërkombëtare, në një vend si Shqipëria ku edhe një nga 500 zyrtarët më të paguar të shtetit supozohet të kërkojë të largohet nga vendi si azilant! Një organizatë e tillë në Shqipëri mund të kapë në rrjetën e saj, duke rekrutuar me para, jo vetëm ?peshqit? e vegjë, pra njerëz të varfër, por edhe ?peshq? të mëdhenj, pra zyrtarë të shtetit në të gjitha nivelet, pa përmendur këtu policët dhe punonjësit e shërbimeve të fshehta, që do të jenë ?peshq? të vegjël për të. Kështu, kjo organizatë mund ta bëjë Shqipërinë bazën e sigurt dhe nën kontroll të plotë për veprimtaritë e saj në Europë, me pasoja shumë të rënda për vendin tonë.
A është kjo arsyeja që Qeveria Amerikane, e ka kryer jozyrtarisht të gjithë ndërhyrjen e saj pranë Qeverisë së Shqipërisë për strehimin e organizatës së sipërpërmendur në Shqipëri? Domethënë që nesër, sido të ndodhë, Qeveria Amerikane të mund të thotë se nuk ka asnjë marrëveshje me shkrim mes saj dhe Qeverisë së Shqipërisë, se Qeveria Amerikane nuk është përzier në këtë histori? Është e qartë se po.
A ka të bëjë refuzimi i vizës për Prokurorin e Durrësit, me një bisedë të përgjuar ku ai ka shprehur shqetësimin e tij legjitim si zyrtar i shtetit, për një anije e cila solli në portin e Durrësit ?pasurinë? e moxhahedinëve iranianë nga kampet e tyre në Irak? Sepse këta njerëz nuk po vinë në Shqipëri si refugjatë me një thes me plaçka në në shpinë, por po vinë në mënyrë të organizuar, duke sjellë të gjithë pasurinë e tyre që kanë në Irak. Kështu problemi ka përmasa dhe natyrë krejt tjetër.