web counter
LEXO PA REKLAMA!

SHKARKO APP

App Store
Google Play

E fundit!

x

Urdhri i Beqajt/ 3 mijë lekë shtesë për të marrë patentën

3 Prill 2016, 18:06, Aktualitet CNA

Vizita e mjekut okulist apo otorino-laringologut, nëse bëhët për efekt raporti mjeksore për leje drejtimi apo veprimtarinë me armët, duke filluar nga 1 prilli është bërë me pagesë edhe për të siguruarit.

Me anë të urdhëri të lëshuar nga Ministri i Shëndetësisë Ilir Beqaj, që mban datën 29 mars 2016, vizitat tek këto dy mjekë specialistë do të bëhen kundrejt pagesës prej 1 500 lekesh për secilën.

Deri tani, për aplikimet paguhej vetëm një raport prej 1 mijë lekësh, i cili mbetet gjithashtu në fuqi.

Urdhëri i Ministrit është shpërndarë në të gjitha poliklinikat e specialiteteve në kryeqytet dhe në rrethe.

Në këtë mënyre, raporti mjeksor, pavarësisht nëse aplikanti është i siguruar, do të kushtojë në total 4 mijë lekë.

Burime zyrtare të Ministrisë së Shëndetësisë thanë për Televizionin Klan se keto pagesa konsiderohen si tarifa administrative për një shërbim që ofron shteti dhe nuk kanë të bëjnë me sëmundshmërinë apo parandalimin.

Paratë e mbledhura shërbejnë si të ardhura dytësore per poliklinikat.

Pagesa për vizitën e mjekut okulist dhe otorino-laringologut si pjesë e raportit mjeksor për leje drejtimin apo veprimtarine me armët, aplikohet për herë të pare për personat e siguruar./TV Klan





Lajmet e fundit nga