web counter
LEXO PA REKLAMA!

SHKARKO APP

App Store
Google Play

E fundit!

x

Kush janë VIP-at që fituan provimin e noterisë ?

3 Prill 2016, 11:26, Aktualitet CNA

Citynews ka publikuar skandalin në lidhje me fituesit e provimit të noterisë ku përveç rasteve nepotike, pjesë i e fituesve ishte edhe një person i dënuar me vendim të formës së prerë.

Por, në listën e fituesve ka edhe detaje të tjera, ndoshta jo aq të rënda sa nepotizmi apo personat e dënuar. Sipas listës së publikuar nga Ministria e Drejtësisë, rezulton se janë shpallur fituese edhe disa nga VIP-at. Pjesëmarrësit në provimin e noterisë duhet të plotësojnë edhe disa kritere, sic është ajo e eksperiencës në këtë fushë. Mesa duket, të qënit miss apo këngëtare ka qenë një kriter për testimin.

Dy nga fitueset e provimit, të cilat kalojnë në fazën tjetër, janë Suada Sherifaj dhe Jonida Smakaj.

Suada ka qenë miss Albania në vitin 2005. Ajo është angazhuar në fushata promocionale dhe evente të ndryshme artistike, Por tani ajo ka vendosur të lërë menjëanë karrierën e saj për tu bërë ?notere?. Suada Sherifaj ka marrë 91 pikë nga 100 të mundshme.

Një tjetër fituese e provimit është Jonida Smakaj, e cila njihet në fushën e muzikës si këngëtare. Edhe Smakaj ka vendosur të tërhiqet nga bota e muzikës, për të vazhduar karrierën si ?notere?.

Nëse vajzat kalojnë fazat e tjera të testimit për shqiptarët, zyrat noteriale do të përfaqësohen denjësisht, pa dashur tu hyjmë në hak dijeve dhe meritës së tyre.

Më herët, citynews ka denoncuar rastin e Flamur (Muli) Mallkuçi, i cili është shpallur fitues i provimit të noterisë. Mallkuçi rezulton të jetë i arrestuar nga policia në datën 14 shtator 2007, për veprën penale ?Korrupsionit pasiv të personit që ushtron funksione publike?, kryer në bashkëpunim parashikuar nga neni 259 i kodit penal. Dënimi përfundimtar është me vendimin e datës 9 janar 2013 të Kolegjit Penal të Gjykatës së Lartë.

Gjithashtu, pjesë e listës së fituesve janë edhe bashkëshortja e shefit të kabinetit të Ministrisë së Drejtësisë, Enton Lita. Në listën e publikuar është edhe emri i Violeta Lita-jt, e cila është bashkëshortja e shefit të kabintetit të  Ylli Manjanit.

Të afërm të zyrtarëve të lartë, të dënuar me vendim të formës së prerë apo njerëz që vijnë nga bota e artit dhe muzikës pritet të jenë noterët e ardhshëm të Shqipërisë, të cilët do tu shërbejnë qytetarëve./citynews

Skandal/ Ministria e Drejtësisë, liçensë noteri të dënuarit për korrupsion

Drejtësia sqaron konkursin e noterëve

Zgjerohet skandali në Ministrinë e Drejtësisë/Liçensë noteri rrëmben dhe gruaja e shefit të kabinetit

Thellohet skandali/ Provimi i noterëve garë e trukuar, fitojnë miqtë dhe familjarët e pushtetarëve





Lajmet e fundit nga