web counter
LEXO PA REKLAMA!

SHKARKO APP

App Store
Google Play

Task Forca e Tiranës në Kukës/ Pezullohen 48 leje drejtimi

3 Prill 2016, 07:30, Aktualitet CNA

Policia vijon zbatimin e Planit Operacional “TISPOL”, për “Rritjen e parametrave të sigurisë rrugore në fundjavë”.

Task Forca e Policisë Rrugore Tiranë ka qenë këtë fundjavë në Kukës ku në bashkëpunim me Policinë Vendore, mbështetur nga F.N.Sh. Shkodër, gjatë 48 orëve të fundit ka operuar në territorin e Policisë Vendore Kukës.

Sipas policisë, ky operacion kryhet në kuëdër të ndëshkimeve për tejkalim mbi normat e lejuara të shpejtësisë, ndëshkimi i drejtuesve të mjeteve nën ndikimin e alkoolit dhe në gjendje të dehur, parakalimi i gabuar, drejtim mjeti pa leje drejtimi, pa vendosur rripin e sigurimit, apo duke përdorur celularin gjatë drejtimit të mjetit e të tjera shkelje të Kodit Rrugor.

Policia bën me dije se si rezultat, gjatë 48 orëve të fundit në territorin e Drejtorisë Vendore të Policisë Kukës ku po operohet në Kukës, Has, Tropojë dhe në Tunelin e Kalimashit janë arritur këto rezultate, janë proceduar penalisht 6 shtetas për drejtim mjeti nën efektin e alkool dhe për drejtim mjeti pa leje drejtimi. Janë pezulluar 48 leje drejtimi, konkretisht: 38 leje drejtimi për shpejtësi tej normave të lejuara në Tunelin e Kalimashit konstatuar me Radar. 5 leje drejtimi të pezulluara për drejtim mjeti nën ndikimin e alkoolit, konstatuar me Drager. 5 leje drejtimi të tërhequra për dhënie mjeti për drejtim personave qe janë të pa paisur me leje drejtimi. 54 drejtues mjetesh u ndëshkuan me masë plotësuese dhe u dërgua për gjykim në OASH-KUKËS.

Mësohet se janë vendosur 46 masa administrative për shkelje të ndryshmë si mos përdorim të sistemeve të fiksimit( kryesisht rripi i sigurimit) dhe përdorim të celularit gjatë drejtimit të mjetit. U bllokuan 12 mjete për mungesë dokumentacioni. Gjithashtu në Kukës, Has e Tropojë po bëhet pilotimi i kamerave të trupit të punonjësit të Policisë. Po këshillohen shumë drejtues mjetesh për të shtuar kujdesin gjatë drejtimit të mjetit.





Lajmet e fundit nga