web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Dështimi i Lulzim Bashës në Shkodër

2 Prill 2016, 15:15, Aktualitet CNA

Megjithëse sot ishte 25 vjetori i masakrës së Shkodrës ku 4 persona u vranë nga regjimi diktatorial, në kryeqendrën e antikomunizmit, atje ku demokracia filloi të hedhë hapat e saj, Partia Demokratike  dështoi, jo nga mënyra e organizimit  por nga pjesëmarrja e qytetarëve shkodran në këtë aktivitet.

Mesa duket mungesa e Berishës, i cili ndodhej në Zvicër dhe e Jozefina Topallit, e cila ndodhej në Francë,  kanë bërë që pjesëmarrja të jetë mjaft e ulët në këtë aktivitet, të cilin PD apo vetë Lulzim Basha donte ta kthente në një tubim masiv qytetar.

Në fakt, pjesëmarrja në këtë aktivitet nuk ishte mbresëlënëse, as për vetë Bashën dhe stafin e tij. Megjithëse u përdorën të gjitha masat organizative, duke sjellë autobusë dhe furgona nga Malësia e Madhe,  Vau i Deas, Lezha dhe rrethinat, u angazhuan dhjetra të rinj nga qyteti, pa harruar  deputetët dhe stafin i Bashës, përsëri numri i tyre ishte shumë i vogël përball asaj pjesëmarrje që duhet të ishte sot në Shkodër.

Një përgjegjësi e qartë për drejtuesit lokal të PD, një përgjegjësi e qartë për kryetaren e re të bashkisë Voltana Ademi dhe për kreun e PD në Shkodër Ramiz Çobaj, të cilët sot nuk mundën ti jepnin PD-së shansin për të filluar një betejë elektorale pikërisht aty ku ka filluar shembja e komunizmit në Shqipëri.

Njerëzit nuk e shohin si shpresë të ardhmen me Lulzim Bashën? Apo PD në Shkodër ka probleme thelbësore të cilat reflektohen edhe në aktivitete të tilla?

Shkodra i dha një mesazh të drejtpërdrejtë Lulzim Bashës, se partia që ai drejton nuk mund të ringrihet e copëtuar, nuk mund të ringrihet duke vendosur në elitën e saj servila dhe sekserë.

Shkodra sot foli nëpërmjet 2 prillit, ditës kur është derdhur gjak për idealet e demokracisë. A mund të përfaqësohen ato ideale nga servilat, të paaftët, të korruptuarit e djeshëm e të sotshëm? A mund të besojë qytetaria shkodrane, ndoshta dhe e gjithë Shqipëria tek njerëz pa ideale, të cilët zor se i votojnë gratë e tyre e jo më qytetarët shqiptarë.

Shkodra foli ashtu sic di vetëm ajo të flasë. Sot Lulzim Bashës filluan ti bien sirenat e alarmit për fushatën e ardhshme elektorale. Sot Shkodra i tha: Nuk vazhdohet më kështu. Cdo përgjegjësi dhe zgjidhje duket të jetë në dorën e vetë Bashës, që ndoshta po përpiqet të ngrejë profilin e tij politik por nuk ka një staf të besueshëm dhe ekip që të nxisë qytetarët që ta ndjekin nga pas./citynews





Lajmet e fundit nga