Shënim- Ligji i Arsimit të Lartë/ Kush e ka marrë peng Lulzim Bashën ?

3 Prill 2016, 13:58, Aktualitet CNA

Pas miratimit të ligjit për arsimin e lartë citynews komunikoi në nëntor të vitit 2015 me zyrtarë të Partisë Demokratike për të mësuar nëse kjo forcë politike do ta dërgonte në Gjykatë Kushtetuese këtë ligj.

Në atë kohë, zyrtarët e PD-së theksuan për citynews se në javën e parë të dhjetorit 2016, opozita do t?i drejtohej gjykatës Kushtetuese për të kërkuar pavlefshmërinë e ligjit për arsimin e lartë. Citynews ka shkruar disa herë për harresën e Partisë Demokratike për ligjin e arsimit të lartë.

Pas gati 6 muajsh nga komunikimi me zyrtar e PD-së, kreu demokrat, Lulzim Basha ende nuk cuar ligjin për arsimin e lartë në Kushtetuese. Në një prej protestave të opozitës Lulzim Basha, u shpreh se do ta shfuqizojë ligjin për arsimin e lartë menjëherë pas ardhjes te PD në pushtet, duke shuar shpresat për dërgimin e ligjit në Kushtetuese.

Deri sa Basha të vijë në pushtet, kismet, barqet e universiteteve private do të jenë mbushur plot. Burime për citynews konfirmuan sot se asnjë prej zyrtarëve të lartë në PD nuk po merret me ligjin e arsimit të lartë.

Kush po e vonon? A po e pengojnë Lulzim Bashën oligarkët dhe pronarët e universiteteve private të çojë ligjin për arsimin e lartë në gjykatë Kushtetuese?

Më poshtë do të përmendim disa nga pronarët e universiteteve, të cilët janë të interesuar që ligji për arsimin e lartë të mos shkojë në Kushtetuese.

I pari në listë është Henri Çili i UET, i cili është akuzuar publikisht si një nga personat që ka ndërtuar ligjin për arsimin e lartë. Një pjesë e njerëzve të Bashës marrin rroga nga universiteti i Çilit. Ky i fundit ka qenë një nga drejtuesit e fushatës së Bashës në zgjedhjet lokale të vitit 2011. Gjithashtu, ka qenë një nga mbështetësit e PD-së në vitin 2013, por tani është një nga militantët e Ramës. Raporti i Ministrisë së Arsimit nxori në pah mbi 20 shkelje të kryera nga UET. Me këto shkelje universiteti i Çilit duhej të ishte mbyllur, por në fakt u mbyllën, ndoshta padrejtësisht, disa universitete të tjera.

I dyti në listë është TBU i Artan Hoxhës, opinionisti me bindje të theksuara të djathta, një nga mbështetësit e Lulzim Bashës, i cili më shumë se universitet, ushtronte aktivitetin në një ambient dy dhoma e kuzhinë.

I treti vjen Irfani. Askush nuk e harron Luken (Lulzim Bashën) dhe Fanen. Ai ka qenë mbështetësit më të fortë të Bashës, tashmë ndohet nën sqetullën e Ramës.

I katërti në radhë jo me pak i rëndësishëm është Astrit Veliaj, i Albania University, i njohur ndryshe si UFO. Astrit Veliaj është zgjedhur si deputet i Partisë Demokratike në qarkun e Beratit.

Ish- kryeministri i vendit, Sali Berisha tha gjatë një fjalimi në parlament se dy universitete, pronarët e të cilëve zotërojnë edhe media të njohura në vend, i kane ofruar para për të mos e miratuar ligjin e Arsimit të Lartë. Pronarë universitetesh, njëkohësisht edhe pronarë mediash, njihet Henri Çili dhe Irfan Hysenbelliu.

Këto janë katër arsyet pse Lulzim Basha është peng dhe nuk gjen forcë të çojë ligjin për arsimin e lartë në kushtetuese, por mjaftohet me fjalë dhe artikulime pa peshe sepse ligji ka nisur të zbatohet. Deri në kohën kur Basha të vijë në pushtet, universitetet private do ti kenë mbushur thasët me taksat e shqiptarëve të varfër duke krijuar oligarkë edhe më të fortë.

Peshën dhe vlerën e këtyre universiteteve do ta pranojmë me atë çfarë thotë Ministria e Arsimit, e cila mbylli disa universitete por harroi te mbyllte këta që kanë përdorur opozitën. Me pagesë ose jo, Lulzim Basha e la në harresë ligjin e arsimit të lartë dhe nuk e çoi në Gjykatë Kushtetuese për të paktën 6 muaj, qoftë edhe moralisht për tu treguar i besueshëm tek shqiptarët, për të thënë që nuk është peng dhe thjesht ?gënjeshtar? politik./citynews