E fundit!

12:20 Kronika

Atentati i 30 qershorit në Korçë/ Arrestohet vëllai i autorit, në pranga dhe i plagosuri

Një nga personat e shpallur në kërkim për plagosjen e shte...

Urdhër i Kryeministrit Rama për saktësimin e emërtimit të skuadrave policore “Shqiponja”/ Nga Kastriot Myftaraj

30 Mars 2016, 16:30, Aktualitet CNA

Skuadrat e posaçme policore ?Shqiponja? nuk duhen konsideruar si emërtuara nga shqiponja e flamurit shqiptar, siç mund të kenë menduar gabimisht pjestarët e tij dhe gjithë shqiptarët, por nga emri i nënës së shokut tonë Erion Veliaj, zonja Shqiponja Veliaj. Prandaj policët e skuadrave ?Shqiponja? nuk duhet të kenë parasysh ligjin në veprimet e tyre, por duhet të marrin me mend dëshirat e zonjës Shqiponja. Këtej e tutje ata do quhen ?Shqiponjëzat? e zonjës Shqiponja. Që t? u ngulitet në mendje kjo gjë do të mbajnë në xhep pranë zemrës, një fotografi të Nënës Shqiponjë, që ta kenë çdo moment vetëdijen e të qënit shqiponjëzat e saj.
Ngarkohet Ministri i Punëve të Brendshme Saimir Tahiri, që megjithëse e urren Erionin, jo më pak se unë, ta shpërndajë këtë urdhër si të jeti urdhër i tij si ministër. Erioni është ankuar te Sorosi se duam ta rrëzojmë nga pushteti me ndihmën e Bashës, prandaj nuk kemi çfarë të bëjmë. Saimiri të mos bëjë gafën që ta çojë për publikim në fletoren zyrtare, siç bëri gafën kur nxorri në emisionin e Ardit Gjebresë, një polic të ?Shqiponjave? të quajtur komandant Zeni, i cili me një dalje të vetme televizive u bë fituesi i anekdotës policore të vitit. Ky komandant Zeni tha se gjatë patrullimeve në qytet, ata i dallojnë njerëzit e dyshimtë sepse këta zakonisht largohen kur ndalon automjeti i ?Shqiponjave?.
Me sa duket ky komandant Zeni nuk e di se në të gjithë botën, qytetarët paqësorë largohen nga vendi ku ndalon një automjet i forcave speciale policore sepse mendojnë që do të ndodhë ndonjë aksion policor, gjatë të cilit mund të ketë ndonjë konflikt me armë mes Policisë dhe ndonjë grupi banditësh. Kjo sjellje e qytetarëve është normale, sepse asnjë qytetar i rregullt paqësor nuk do që të gjendet në një situatë të tillë të rrezikshme. Nëse Policia në vendet europiane do të shikonte si të dyshimtë ata qytetarë të cilët largohen në një rast të tillë, atëherë Policia do ta kalojë kohën duke u marrë me qytetarët e rregullt dhe jo me kriminelët. Meqënëse policët e Saimirit, nga pozita e policit i shikojnë qytetarët me syrin e kriminelit, kujdesuni që së paku një gjë të tillë të mos e thonë në televizione.
Sepse larg qoftë ndonjëri mund ta lëshojë gjuhën dhe të rrëfehet se në shërbim të cilit bandit të njohur e kanë dërguar me furgonin e Policisë të bëjë bodyguardin e tij ditën me diell në Tiranë.