web counter
LEXO PA REKLAMA!

SHKARKO APP

Zbardhet dokumenti origjinal i kërkesës për krijimin e PD/ Ja kush e firmosi

30 Mars 2016, 09:56, Aktualitet CNA

Partia Demokratike ka kërkuar më datë 17 dhjetor të vitit 1990 legalizimin e kësaj force politike. Teksti i kërkesës mban firmën e Eduard Selamit. Bashkë me kërkesën janë depozituar 35 faqe dokumentacion, – programi minimal, statuti dhe lista emërore e 376 nënshkruesve.

Kërkesa e publikuar nga politike.al është miratuar nga Ministri i Drejtësisë Enver Halili me 19 dhjetor 1990. Interesant është se në krye të shkresës së PD ende përdoret citimi ?Republika Popullore Socialiste e Shqipërisë? dhe se kërkesa nuk mban emrin e kryetarit të Grupit Organizator Hajdari, por të zotit Selami.

Në vendimin e Ministrisë thuhet se kërkesa e PD është në përputhje me Kushtetutën e RPSSH, e cila në fakt është Kushtetuta komuniste e vitit 1976, e cila në nenin 3 theksonte se ?PPSH, pararoja e klasës punëtore, është forca e vetme politike udhëheqëse e shtetit dhe e shoqërisë. Në Republikën Popullore Socialiste të Shqipërisë ideologjia sunduese është marksizëm-leninizmi. Në bazë të parimeve të tij zhvillohet gjithë rendi shoqëror socialist?. Ky vendim ligjëron PD-në, e cila është partia e parë antikomuniste dhe themeluese e pluralizmit politik më 1990.





Lajmet e fundit nga