E fundit!

22:15 Aktualitet

Aksident me një viktimë në autostradën Vlorë-Fier

Një aksident rrugor me një viktimë ka ndodhur mbrëmjen e s...

Fituan gjyqet kundër Shqipërisë/ Qeveria paguan 41,500 euro kamatvonesa për qytetarët

30 Mars 2016, 18:20, Aktualitet CNA

Në mbledhjen e ditës së sotme, Këshilli i Ministrave ka vendosur ekzekutimin e pagesave për qytetarërt shqiptarë të cilët kanë fituar gjyqet kundër Shqipërisë në Gjykatën e Strasburgut. Referuar, VKM-së, mësohet se janë 41 500 euro të planifikuara për katër çështje.

Qeveria do të ekzekutojë pagesat për çështjet ?Artan Lako kundër Shqipërisë dhe dy aplikime të tjera? në shumën 1 200 (një mijë e dyqind) euro për kërkuesin Artan Lako (aplikimi nr.48693/08); në shumën 900 (nëntëqind) euro për kërkuesin Bardhyl Ibra (aplikimi nr.72462/11); në shumën 1 400 (një mijë e katërqind) euro për kërkuesen Gerta Xhaferi (aplikimi nr.30946/12), në lidhje me dëmin pasuror dhe jopasuror, kostot dhe shpenzimet, duke i përjashtuar nga çdo taksë që mund të jetë e aplikueshme.

?Luli kundër Shqipërisë?, në favor të z. Pëllumb Luli, në shumën 27 000 (njëzet e shtatë mijë) euro, plus çdo taksë që mund të jetë e aplikueshme.

?Durim Harri kundër Shqipërisë? në shumën 5 100 (pesë mijë e njëqind) euro, në lidhje me dëmin pasuror dhe jopasuror, kostot dhe shpenzimet, duke e përjashtuar nga çdo taksë që mund të jetë e aplikueshme.

?Afërdita Theodhosi kundër Shqipërisë?, në shumën 5 900 (pesë mijë e nëntëqind) euro, në lidhje me dëmin pasuror dhe jopasuror, kostot dhe shpenzimet, duke e përjashtuar nga çdo taksë që mund të jetë e aplikueshme.

Po kështu qeveria ka vendosur edhe për pagimin e interesave të vonesave në ekzekutimin e disa vendimeve të gjykatës evropiane për të drejtat e njeriut.

Interesat e thjeshta të vonesës do të llogariten nga data e afatit përfundimtar për shlyerjen e detyrimit deri në datën e urdhërpagesës së principalit të detyrimit.

Për çështjen ?Caka kundër Shqipërisë? (aplikimi nr.44023/02), interesat do të llogariten nga data 8.6.2010.

Për çështjen ?Bushati dhe të tjerë kundër Shqipërisë? (aplikimi nr.6397/04), interesat do të llogariten nga data 14.8.2012.

Për çështjen ?Alimuça kundër Shqipërisë? (aplikimi nr.20134/05), interesat do të llogariten nga data 9.10.2012.

Për çështjen ?Cani kundër Shqipërisë? (aplikimi nr.11006/06), interesat do të llogariten nga data 6.9.2012.

Për çështjen ?Izet Haxhia kundër Shqipërisë? (aplikimi nr.34783/06), interesat do të llogariten nga data 5.5.2014.

Për çështjen ?Puto dhe të tjerë kundër Shqipërisë? (aplikimi nr.609/07), interesat do të llogariten nga data 22.2.2011.

Për çështjen ?Mullai dhe të tjerë kundër Shqipërisë? (aplikimi nr.9074/07), interesat do të llogariten nga data 18.4.2012.

Për çështjen ?Gjyli kundër Shqipërisë? (aplikimi nr.32907/07), interesat do të llogariten nga data 29.3.2010.

Për çështjen ?Kaçiu kundër Shqipërisë? (aplikimi nr.33192/07), interesat do të llogariten nga data 9.3.2014.

Për çështjen ?Cale kundër Shqipërisë? (aplikimi nr.50933/07), interesat do të llogariten nga data 6.2.2013.

Për çështjen ?Themeli kundër Shqipërisë? (aplikimi nr.63756/09), interesat do të llogariten nga data 15.4.2013.

Për çështjen ?Tushaj kundër Shqipërisë? (aplikimi nr.13620/10), interesat do të llogariten nga data 15.4.2013.

Për çështjen ?Rrapo kundër Shqipërisë? (aplikimi nr.58555/10), interesat do të llogariten nga data 25.3.2013.

Interesat e thjeshta të vonesës janë të barabarta me kursin marzhinal të huas së Bankës Qendrore Evropiane, gjatë periudhës së mospagimit, plus 3 (tre) për qind, mbi shumat e urdhëruara nga vendimet përkatëse të Gjykatës Evropiane për të Drejtat e Njeriut.

Vlerat e detyrimit, të llogaritura sipas përcaktimeve në pikat 2 dhe 3, të këtij vendimit, të konvertohen në lekë, në bazë të kursit të këmbimit të bankës, ku do të depozitohet shuma, në datën e kryerjes së pagesës.

Vlerat e llogaritura si detyrim, sipas përcaktimeve në pikat 2 dhe 3, të këtij vendimi, të konvertohen në lekë, në bazë të kursit të këmbimit të bankës, ku do të depozitohet shuma, në datën e kryerjes së pagesës.

Efektet financiare, të parashikuara për ekzekutimin e këtij vendimi, të përballohen nga fondi i kontingjencës i buxhetit të shtetit.