web counter
LEXO PA REKLAMA!

SHKARKO APP

App Store
Google Play

Sulmet terroriste në Paris e Belgjikë janë koordinuar nga Shqipëria e Kroacia?

29 Mars 2016, 20:39, Aktualitet CNA

Në Ballkan, duke përfshirë edhe Shqipërinë, ka një numër të kampeve terroriste me intensitet të ulët. Aty rekrutohen njerëz dhe bëhen pjesëtarë të ISIS-it, thuhet në një raport konfidencial të policisë franceze dhe shërbimeve sekret, në të cilin Newsweek në gjuhën serbe thotë se ka qasje.

Edhe kamikazët e fundit në Parisë dhe Belgjikë thuhet se kanë pasur qasje me këto kampe në Shqipëri, Kroaci e Bullgari.

Po ashtu, sipas këtij raporti, Abdeslam Ibrahim dhe terroristë të tjerë kishin sim-kartela të Shqipërisë e Kroacisë.

Në dokumentet e shërbimit të inteligjencës franceze thuhet se terroristët kanë pasur dy telefona ?Samsung?, dhe në njërin nga ta kishte kartelë telefoni të Shqipërisë e në tjetrën të Kroacisë.

Ku dhe si janë blerë kartelat, ajo nuk është bërë e njohur ende. Po ashtu nuk dihet nëse terroristët ishin vetëm kalimtarë në këto shtete, kur i kanë blerë kartat.

Po ashtu raporti tregon dhe për korrespondencat e policisë franceze me ?Samsung? dhe ?Google?.

Nga dokumentet po ashtu është mësuar se Hasna Ait Bulacen, një i afërm i njërit prej terroristëve të cilët vdiqën gjatë sulmit në Saint-Denis afër Parisit, disa herë ka folur me një numër telefoni celular në Kroaci./KlanKosova





Lajmet e fundit nga