web counter
LEXO PA REKLAMA!

SHKARKO APP

App Store
Google Play

Policët padisin ministrinë e Brendshme/ Ligji i ri u ka ulur pagën mbi 2 mijë punonjësve

29 Mars 2016, 19:21, Aktualitet CNA

Sindikata e punonjësve të Policisë së Shtetit ka paditur në Gjykatën Kushtetuese Ministrinë e Brendshme dhe Kryeministrinë për vonesën prej më shumë se 1 viti të nxjerrjes së akteve nënligjore të ligjit të ri për policinë.

Në një intervistë për Top-Chanel, kreu i kësaj sindikate, Sadetin Fishta thotë se mungesa e këtyre akteve do të prekë në uljen e pagës mbi 2.000 efektivë.

?Ky vakum ligjor e bën ligjin të pabzatueshëm. Rasti më flagrant për këtë është heqja nga 1 marsi i gradës së kryeinspektorit dhe nëninspektorit. Heqja e këtyre gradave përkon me uljen e pagës me 12 për qind për rreth 2 mijë punonjës që e kanë gradën e kryeinspektorit?, thotë Fishta.

Mungesa e akteve nënligjore prej më shumë se 1 viti i ka mohuar edhe përfitime të tjera punonjësve të policisë.

?Këto akte janë të gjitha përfitime financiare. Punonjësit që kanë 25 vjet punë duhet të kishin marrë shtesë page 25 për qind që nga 1 marsi, si dhe kredi me 3 për qind sepse kështu e ka ligji. Familjarët e policëve të vrarë, që s?ka dalë në VKM, duhet të kishin marrë shtëpi falas?, shton Fishta.

Në lidhje me ktë rast, Top-Chanel u interesua pranë Ministrisë së Brendshme e cila bën me dije se brenda javës së ardhshme pritet të miratohet një VKM, ku parashikohet llogaritja e elementit të vjetërsisë, që do të rregullojë këtë problem që ka sjellë heqja e gradës kryeinspektor.





Lajmet e fundit nga