web counter
LEXO PA REKLAMA!

SHKARKO APP

App Store
Google Play

Masat e sigurisë/ Policia arreston 4 persona dhe pezullon 20 leje drejtimi

27 Mars 2016, 08:06, Aktualitet CNA

Në kuadër të rritjes së sigurisë rrugore në fundjavë, Task Forca e Policisë Rrugore Tiranë, në bashkëpunim me Policinë Rrugore Vendore , mbështetur nga F.N.Sh Shkodër dhe Patrullat e Përgjithshme , gjatë 48 orëve të fundit ka operuar në territorin e Policisë Vendore Dibër.

Si rezultat i këtij operacioni janë arrestuar në flagrancë 4 shtetas për drejtim mjeti nën efektin e alkoolit, (R.T, M.B, T.P, B.H), si dhe eshte proçeduar penalisht 1 shtetas për drejtim mjeti pa leje drejtimi.

Janë pezulluar 20 leje drejtimi, konkretisht: 10 leje drejtimi për shpejtësi tej normave të lejuara konstatuar me Radar. 10 leje drejtimi të pezulluara për drejtim mjeti nën ndikimin e alkoolit, konstatuar me Drager.

28 drejtues mjetesh u ndëshkuan me masë plotësuese dhe u dërguan për gjykim në OASH-Peshkopi.

U vendosën 26 masa administrative për shkelje të ndryshme si mos përdorim të sistemeve të fiksimit( kryesisht rripi i sigurimit) dhe përdorim të celularit gjatë drejtimit të mjetit.

U bllokuan 5 automjete për mungesë dokumentacioni. Në bashkëpunim me Patrullat e Përgjithshme Burrel, Bulqize, Peshkopi dhe F.N.Sh. Shkodër u kontrolluan automjete dhe dhjetra persona per armbajtie pa leje apo për lëndë narkotike. U veprua në territorin e njësisë Administrative Gjorice për kontrollin e furgonave që transportojnë pasagjerë për në fshatrat e kësaj njësie. Si rezultat u bllokua një furgon pa dokumenta dhe u pezulluan 2 leje drejtimi dy drejtueseve të furgonave që drejtonin mjetin nën ndikimin e alkoolit. Gjithashtu dhe në qarkun Dibër u bë pilotimi i kamerave të trupit të punonjësit të Policisë.





23:01 Aktualitet

Komploti i Haremit

Një mister i gjatë 3 mijë vite. Në moshë të thyer, Faraoni i...

Lajmet e fundit nga