Presidenti Obama mban fjalim në Kubë

22 Mars 2016, 22:05, Kosova & Bota CNA

Presidenti amerikan Barack Obama sot gjatë një fjalimi drejtuar popullit të Kubës pranoi historinë e vështirë mes Shteteve të Bashkuara dhe Kubës, por i ofroi popullit kuban një ?mesazh të paqes? ndërkohë që po afrohet fundi vizitës së tij historike në këtë vend komunist.

Në fjalimin e tij në Teatrin e Havanës, presidenti Obama tha se dallimet mes qeverive të Uashingtonit dhe Havanës janë ?reale dhe të rëndësishme?, por të dyja palët mund të lëvizin përpara drejt një normalizimi historik të marrëdhënieve.

Kam ardhur këtu për të varrosur mbetjen e fundit të Luftës së Ftohtë në kontinentin amerikan?, tha Presidenti Obama. ?Kam ardhur këtu për t’i zgjatur dorën e miqësisë popullit kuban?, shtoi ai.

Presidenti Obama gjithashtu bëri thirrje për dhënien fund të embargos ekonomike të Shteteve të Bashkuara ndaj Kubës, të cilën ai e quajti një “barrë të vjetëruar” mbi popullin kuban. “Ka ardhur koha për heqjen e embrargos”, tha ai.

Por, presidenti Obama kritikoi qeverinë kubane duke thënë se, edhe nëse hiqet embargoja, populli kuban nuk do të jenë në gjendje të shfrytëzojë potncialin e tij të plotë pa ndërmarrjen e reformave demokratike.

“Njerëzit duhet të jenë në gjendje të kiritkojnë qeverinë e tyre dhe të zgjedhin qeverinë e tyre”, tha zoti Obama

Presidenti do të ndjekë edhe një ndeshje bejsbolli mes ekipit amerikan Tampa Bay Rays dhe ekipit kombëtar kuban.

Të hënën, Obama përshëndeti përparimin në marrëdhëniet SHBA-Kubë duke pranuar se të dy palët vazhdojnë të kenë dallime shumë serioze për demokracinë dhe të drejtat e njeriut.

Pas bisedimeve “sinqerta dhe të çiltra” në Havanë mbi mënyrat për të çuar përpara përpjekjet e normalizimit, presidenti Obama dhe presidenti kuban Raul Castro mbajtën një konferencë të përbashkët për shtyp.

“Kjo është kohë e shpresës për Kubën”, u tha z. Obama gazetarëve.

Presidenti Obama tha se ndërsa ia ka të qartë edhe Raul Kastros se SHBA do të vazhdojnë të flasin për të drejtat e njeriut, ?fati i Kubës nuk do të vendoset nga Shtetet e Bashkuara apo ndonjë komb tjetër. E ardhmja e Kubës do të vendoset nga kubanë. ”

Në një rast të rrallë, presidenti Kastro pranoi të merrte pyetje nga gazetarët pas komenteve të dy udhëheqësve.

Ndaj pyetjes mbi të burgosurit politikë, Raul Castro reagoi me zemërim. Ai kërkoi që të shfaqet një listë e të burgosurve të tillë. Qëndrimi i Kubës është se nuk ka asnjë të burgosur politikë.

“Më jep një listë të këtyre të burgosurve politikë dhe në qoftë se ekziston lista, ata do të lirohen para se të bjerë nata”, tha z. Castro.

Në Uashington, Marion Smith, drejtor ekzekutiv i Fondacionit Përkujtimor të Viktimave të Komunizmit, ka reaguar ndaj komenteve të Raul Kastros duke thënë: “Ne e kemi atë listë, President Kastro.”

Javën e kaluar, para udhëtimit të z. Obamës në Havanë, Fonadcioni i ofroi rrejteve të mediave dhe gazetarëve një listë me emrat e disidentëve të burgosur, të quajtur “51të harruarit?.

Në një konferencë për gazetarët në Havanë më vonë gjatë ditës, zëvendës këshilltari i Shtëpisë së Bardhë për sigurinë kombëtare, Ben Rhodes, tha se gjatë viteve të fundit ai u ka dhënë autoriteteve kubane shumë lista me emrat e të burgosurve politikë.

Z. Rhodes tha se së SHBA rregullisht ngrenë çështjet e të burgosurve të veçantë politikë, dhe se shumica rasteve janë zgjidhur. Por ai tha Kuba këmbëngul se ata nuk janë të burgosur politikë, dhe se mbahen për krime të ndryshme.

Obama parashikon fundin e embargos

Në fjalën e tij, z. Castro përshëndeti lehtësimin e tregtisë dhe udhëtimeve nga Uashingtoni, por theksoi nevojën për të hequr embargon 55-vjeçare tregtare ndaj vendit komunist. Presidenti Kastro bëri thirrje gjithashtu për të kthyer tokën e cila përdoret për bazën detare të SHBA-së në Gjirin e Guantanamos.

Embargoja tregtare e SHBA ndaj Kubës mund të hiqet vetëm nga Kongresi i kontrolluar nga republikanët, ku ka mosmarrëveshje në lidhje me ndërrimin e politikës së Obamës nga izolimi në angazhim me Kubën.

Shtëpia e Bardhë thotë se presidenti Obama e bëri këtë vizitë historike në Kubë në fillim të vitit të tij të fundit në detyrë, në përpjekje për të treguar se qasja e re e Uashingtonit ndaj Kubës është e pakthyeshme,

Ta shtyjë këtë qasje përtej vitit të fundit të Obamës në detyrë, presidenti ka nevojë për mbështetje dypartiake. Z. Obama mori me vete një delegacion prej rreth 40 ligjvënësish, republikanë dhe demokratë.

Ai tha se ligjvënësit kanë më shumë gjasa për ta mbështetur atë, kur të shohin përparim nën politikën e re kubane. Ai tha gjithashtu se ritmi i normalizimit do të varet se sa përparim Kuba bën në çështjet e të drejtave të njeriut.

“Embargoja do të përfundojë”, tha z. Obama gjatë konferencës së përbashkët për shtyp. “Kur? Unë nuk mund të jem plotësisht i sigurt, por ajo do të përfundojë,” tha presidenti.

Presidentët Obama dhe Kastro shtrënguan duart para se të hynin për bisedime në Pallatin Revolucionar, një ditë pasi Obama u bë i pari presidenti në detyrë i SHBA-së në gati 90 vjet që shkon në këtë vend ishull./VOA