web counter
LEXO PA REKLAMA!

SHKARKO APP

App Store
Google Play

Pjerin Ndreu: Policia e di vrasësin e Santos. SHISH ka përgjuar Ramën e Metën

16 Mars 2016, 18:33, Aktualitet CNA

Deputeti i Partisë Socialiste, njëherazi anëtar i komisionit parlamentar të Sigurisë Kombëtare, Pjerin Ndreu, ka deklaruar se policia e shtetit e di vrasësin e bankierit Artan Santo, por është e vështirë gjetja e provave. Në një intervistë për emisionin “45 minuta” në Report TV, Ndreu tha gjithashtu se kreu i SHISH, Visho Ajazi ka përgjuar telefonatën e kryeministrit Edi Rama me kryetarin e Kuvendit Ilir Meta. Ai tha se përgjigjet u gjetën pak muaj më parë, ndërsa kreu i SHISH u justifikua se përgjimi i Ramës dhe Metës ishte periferik, pasi në hetim ishte një i inkriminuar.

“Çfarë gjetëm në SHISH? Gjetëm përgjime që nga Kryeministri, Kryetari i Parlamentit e të gjithë. Na u tha se përgjigjet kanë dalë indirekt, gjatë përgjimeve ndaj një të inkriminuari. Por në fakt na rezultoi se përgjimi ishte mes Kryeministrit dhe Kryetarit të Parlamentit”, tha Ndreu. Deputeti socialist se ka komisioni i Sigurisë ka bërë një raport të detajuar për këtë, por puna ka ngecur. “Ne kemi bërë raportin tonë dhe kjo është puna jonë. Dhe kjo mbeti me kaq”, theksoi ai.

Lidhur me vrasjen e bankierit Santo, Ndreu u shpreh: “Në Polici dhe Prokuroi ka emër, që ndiqet nga këto struktura, por s’ka prova. S’është e lehtë të arrihet te prova. Mesa kam unë dijeni, është vrasje me pagesë, që e ka paguar dikush, por që ka një emër. Duhet të jeni koshient se nuk është e lehtë të sigurosh provat, s’është me dëshirë e entuziazëm. Ka patur ngjarje që janë zbuluar ngjarje edhe pas 10 vitesh. Media duhet të jetë pak më e kujdesshme, se kam dëgjuar nga media që nëse ndodh një vrasje, direkt thonë se ministri X është ministri më i dobët në histori që nga koha e Ismail Qemalit. Media ka bërë edhe dëme në proceset hetimore, duke artikuluar gjëra që s’kanë lidhje me ngjarjen. Edhe kanë disinformuar. Zbulimi i krimit nuk bëhet me orë pune”, deklaroi ai





Lajmet e fundit nga