E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ekskluzive-Libri më i ri/ Ben Blushi sjell manifestin për socialistët

16 Mars 2016, 11:29, Aktualitet CNA

Deputeti socialist, Ben Blushi ka përfunduar librin e tij më të fundit të titulluar ?Letër një socialisti?.

Blushi nuk është i njohur vetëm për karrierën e tij si politikan, por edhe si njeriu i penës. Ai njihet si shkrimtar, i cili ka sjellë për lexuesit një sërë veprash ku më e fundit ka qenë ?Kandidati?.

Ndërsa libri ?Letër një socialisti?, i cili do të dalë në shitje nesër, vjen si një manifest për socialistët. Ai tregon të vërtetat e kapjes së partisë, kapjen e saj nga një person i vetëm, si dhe shpjegon platformën e Ben Blushit për të rikthyer vendin mbi shina.

Citynews ka siguruar një kopje të librit ?Letër një socialisti?.

Në kopertinën e tij të pasme, Ben Blushi i drejtohet socialistëve me disa rreshta: A e di se qysh se kemi ardhur në pushtet, në Partinë Socialiste nuk ka më zgjedhje? A e di se kryetari i partisë ka një mandat unik shtatëvjeçar, ndërkohë që sipas rregullit mandati duhet të ishte 4 vjet? A e di se pse i janë shtuar edhe 3 vjet? A di gjë se kush dhe pse vendosi kështu? A e di se edhe në kohën e Partisë së Punës, zgjedhjet bëheshin një herë në katër vjet? A e di që nuk ka më asnjë parti në Europë që nuk bën zgjedhje? A e di se sipas statutit të partisë sonë, Asambleja duhet të mblidhet një herë në 3 muaj? A e di se asnjë kandidat për kryetar baashkie nuk kalon ma vendim Kryesie? A e di se asnjëra nga këto nuk ka ndodhur prej 3 vjetësh? A e di se cdo vendim që merret në PS nuk është kolegjial por personal ? A e di se erdhëm në pushtet duke premtuar 300 mijë vende pune? A e di se sipas shifrave zyrtare papunësia është shtuar me 7%? A e di se Shqipëria po zvogëlohet? A e di se cdo ditë nga Shqipëria ikën një lagje? A e di se cdo muaj zhduket një fshat? A e di se vetëm gjatë vitit të kaluar nga Shqipëria kanë ikur afërsisht 100 mijë shqiptarë? A e di cdo të thotë kjo? A e di se do të thotë se një qytet është zhdukur për një vit nga ne?