E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zbulohet pasuria marramendëse e Qazim Sejdinit

16 Mars 2016, 10:47, Aktualitet CNA

Qazim Sejdini rezulton të jetë një ga kryebashkiakët më të pasur në vend. Pasuria e tij sa vjen dhe shtohet me llogari bankare dhe pasuri të paluajtshme në disa qytete të vendit.

Asetet e kryebashkiakut ndodhen në jug të vendit dhe kryesisht në Fier, raporton Boldnews. Ai zotëron në këtë qytet një vilë me sipërfaqe 478 m2 dhe me vlerë 350 milion lekë (të vjetra), një banesë prej 120 m2 me vlerë 100 milion lekë (të vjetra), një magazinë prej 840 m2 me vlerë 250 milion lekë (të vjetra) si dhe dy zyra të mëdha me një vlerë totali prej 86 milion lekësh (të vjetra).

Në Vlorë ka një banesë 130 m2 me vlerë 63 milion lekë (të vjetra), dhe një tjetër me sipërfaqe 102 m2. Sejdini ka 3 makina në pronësi që shkojnë rreth 50 milion lekë (të vjetra).

Por përveç pronave, kryebashkiaku i Elbasanit ka edhe shumë borxhe pasi ka marrë nga bankat e nivelit të dytë rreth 270 milion lekë kredi.

Bashkëshortja e Sejdinit nëpërmjet ?Ujori Sh.p.k?, një agjensi doganore në emër të saj, ka përfituar qindra miliona lekë që prej vitit 2004. (shkarko ekstraktin e kompanisë). Gjithashtu edhe fëmijët e kryebashkiakut Sejdini kanë arritur të punësohen në institucione shtetërore me paga relativisht të larta dhe të merren gjithashtu me aktivitete private, shkruan boldnews

Viti elektoral 2013, për familjen Sejdinin do të ishte i artë kjo dhe për shkak të një ngërçi institucional të Inspektoriatit të Deklarimit dhe Kontrollit të Parurive. Në këtë vit, bashkëshortja e Sejdinit deklaron se ka fituar plot 200 milion lekë nga kompania ?Ujori Sh.p.k? , ndërkohë që një vit më parë, në 2012, nuk i kalonte 4.7 milion lekë të ardhura (të vjetra).

Po në 2013, të ardhurat për fëmijët e kryebashkiakut u rritën në 31 milion lekë ndërsa u shtohen edhe një apartament në Vlorë me sipërfaqe 102 m2. Gjithashtu familjes Sejdini shtoi listën e aseteve edhe me një ndërtesë me sip. 831 m2 por nuk specifikohet vlera si dhe vendndodhja.

Në 2014, në familjen Sejdini hyn në lojë edhe dhëndri i cili merr një kredi prej 147 milion lekësh (të vjetra).