web counter
LEXO PA REKLAMA!

SHKARKO APP

App Store
Google Play

Raporti i Lumturisë Globale 2016/ Shqipëria e fundit në rajon

16 Mars 2016, 17:11, Aktualitet CNA

Shqipëria renditet ndër vendet më pak të lumtura në botë, sipas raportit më të fundit të World Happiness Report 2016. Vendi ynë mban vendin e 109 në botë për lumturinë, me një përkeqësim prej 14 shkallësh nga viti i shkuar dhe gjithashtu, e fundit në rajon?

Ky është i katërti vit radhazi që del studimi i kryer nga ekspertë të Kombeve të Bashkuara dhe sërish ne shfaqemi ndër popujt më të palumtur në botë..
Në renditjen e 157 vendeve, Shqipëria zë vendin e 109, duke lënë pas vetëm shtete, në të cilët ka konflikte të njohura.

Krahasuar me rajonin, performancën më të mirë e ka sërish Kosova këtë vit, e renditur e 77 në botë, Serbia e 86-a, Mali i Zi i 87-i, Bosnja e 87-a dhe Maqedonia e 95-a.

Ky raport bën renditjen e këtyre shteteve botërore duke u bazuar në analizat mbi: PBB-në, mbështetjen sociale, perceptimin për korrupsionin dhe bujarinë.
Ky raport rishikon kuptueshmërinë shkencore të matjes dhe shpjegimit subjektiv, të mirëqenies, suportit social dhe atij ekonomik dhe jep të dhënat e krahasueshme, duke përfshirë rankimin nacional, duke u bazuar edhe në të dhënat e sondazheve botërore të Gallup për 157 shtete.

Raporti identifikon 5 vendet kryesore, me nivelin më të lartë të lumturisë, ata janë:
1.Danimarka
2. Zvicra
3. Islanda
4. Norvegjia
5. Finlanda

Monitor





Lajmet e fundit nga