E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Fillojnë sekuestrot për Kurum/ I bllokohen aksionet edhe kompanisë mëmë

15 Mars 2016, 17:09, Aktualitet CNA

Kompania, që shpalli falimentin në shkurt, ka vijuar të marrë kredi dhe në muajt e fundit të aktivitetit të saj. Kontrata e huasë me NBG bank është lidhur në tetor të vitit të kaluar?
Pasi kompania e përpunimit të çelikut dhe prodhimit të energjisë, Kurum International, ka shpallur falimentin për efekt ristrukturimi, kanë filluar dhe kërkesat për sekuestrim nga kreditorët.
Shoqëria e përmbarimit TDR Group ka depozituar në QKR kërkesën për vendosjen e masës së sekuestros konservative mbi të gjitha aksionet e zotëruara nga Shoqeria ?Kurum International? për llogari të NBG Bank. Bëhet fjalë për një kontratë kredie bankare të datës 8.10.2015.
Ndaj debitorit Kurum International dhe dorëzanësve Hasmet Debii Kurum dhe Kurum Holding SA duhen kryer në mënyrë të menjëhershme të gjitha veprimet proceduriale të cilat bëjnë të mundur ekzekutimin e detyrimit.
TDR ka urdhëruar vendosjen e sekuestros konservative për Kurum Internationar, Hasmet Debii Kurum dhe shoqërisë mëmë turke Kurum Holding SA.

Falimenti
Në fund të shkurtit, Kurum International, kompania e pestë më e madhe në vend sipas xhiros dhe eksportuesi i dytë më i madh, në mënyrë të papritur ka shpallur falimentin në gjykatë për efekt ristrukturimi.
Në bilancin e vitit 2014, Kurum ka raportuar se huatë afatgjata janë rreth 15.3 miliardë lekë, apo rreth 111 milionë euro. Në bilanc nuk specifikohet se ndaj kujt është ky detyrim. Gjithsesi, pjesa më e madhe e kësaj huaje i përket institucioneve ndërkombëtar, pasi edhe banka më e madhe në vend nuk mund të japë më shumë se 30 milionë euro për një klient të vetëm (sipas rregullores së bankës së Shqipërisë, një bankë nuk mund të japë më shumë se 20% të kapitalit për një klientë të vetëm).
Kompania ka dhe raportuar dhe hua afatshkurtër prej 3.2 miliardë lekësh apo rreth 23 milionë euro 9që sipas shpjegimeve në bilanc janë overdraft në banka të ndryshme), duke e çuar në total, në rreth 134 milionë euro totalin e huave afatshkurta dhe afatgjata.
Kompania ka dhe llogari të pagueshme (detyrime) ndaj të tretëve në shumën e rreth 17.3 miliardë lekëve (125 milionë euro).
Deri në fund të vitit 2014, Kurum renditej në operatorin e pestë më të madh sipas xhiros në vend, me një qarkullim vjetor 28 miliardë lekë, me rritje me bazë vjetore 16%, kryesisht si rrjedhojë e përfshirjes në aktivitetin e energjisë përmes blerjes së katër hidrocentraleve në fund të 2013-s, Bistrica 1,2, Ulëz dhe Shkopet me fuqi totale të instaluar 76.7 MW. Kurum ishte gjithashtu eksportuesi i dytë më i madh në vend në 2014-n, me me shitje jashtë vendit prej 13.5 miliardë lekësh, me një rënie prej 16%. Nuk ka munguar Kurum as në renidtjen e 100 kompanive më të mëdha sipas fitimit, ku ishte e 55-a, pas një rënie të ndjeshme të këtij treguesi në 309 milionë lekë nga 2.8 miliardë lekë vitin e mëparshëm./Monitor