web counter
LEXO PA REKLAMA!

SHKARKO APP

App Store
Google Play

E fundit!

x

Letra e Tahirit/Manjani fillon inspektim në Gjykatën e Vlorës

12 Mars 2016, 23:03, Aktualitet CNA

Në përgjigje të shqetësimeve të bëra prezente nga ana e Ministrit të Brendshëm, Sajmir Tahiri, ministri i Drejtësisë Ylli Manjani ka urdhëruar verifikimin e veprimtarisë gjyqësore të gjyqtarit të Gjykatës së Rrethit Vlorë, Laurent Fuçia.

?Gjejmë rastin të informojmë se Ministria e Drejtësisë administron të dhëna nga shumë agjenci ligjzbatuese si dhe nga qytetarë të Vlorës mbi sjellje jo profesionale në gjykatën e Vlorës.

Përveç verifikimit të rastit të ngritur nga Ministri Tahiri, do të nxisim së bashku me inspektoriatin e KLD-së një inspektim të përgjithshëm në këtë gjykatë. Qëllimi është vendosja e saj në rrugën e paanësisë dhe të ligjit?, thuhet në reagimin e Manjanit.

Ministri Tahiri u ka dërguar Presidentit të Republikës dhe ministrit Manjani, një letër në lidhje me gjyqtarin Laurent Fuçia.

Sipas Tahirit, ky gjyqtar i Vlorës ka liruar në kundërshtim me ligjin një person që është kapur me armë pa leje, përkatësisht shtetasin Vasil Papa.

Kreu i Gjykatës së Vlorës, Skënder Haluci, ndërkohë i ka dalë në mbrojtje gjyqtarit Fuçia.

Haluci e cilëson letrën e Tahirit si të nxituar, duke theksuar se ndaj gjyqtarëve në Vlorë ushtrohet presion i madh nga kriminelët, madje edhe nga vetë Policia e Shtetit.





Lajmet e fundit nga