web counter
LEXO PA REKLAMA!

SHKARKO APP

App Store
Google Play

E fundit!

x

Letra e Tahirit/ Manjani: Gjykata e Vlorës, sjellje joprofesionale

12 Mars 2016, 21:38, Aktualitet CNA

Ministri i Drejtësisë, Ylli Manjani ka reaguar pas  letrës së ministrit të Brendshëm Saimir Tahiri,  lidhur me gjyqtarin Laurent Fucia në Vlorë që ka liruar një person të arrestuar në flagrancë me armë pa leje. Në një njoftim për shtyp, Manjani ka bërë me dije se, në përgjigje të shqetësimeve të kolegut Tahiri ka urdhëruar verifikimin e veprimtarisë gjyqësore të gjyqtarit në fjalë. Po në njoftim thuhet se, ?Ministria e Drejtësisë administron të dhëna mbi sjellje joprofesionale në Gjykatën e Vlorës, për të cilën do të nxitet edhe KLD-ja për të zhviluar një inspektim të përgjithshëm në këtë institucion?. Ndërkohë më herët reagoi Kreu i Gjykatës së Vlorës, Skënder Haluci, i cili shprehet se deklarata e ministrit të Brendshëm është e nxituar ndërsa shton se Gjykata e Vlorës mirëpret çdo lloj kontrolli. Në reagimin e tij, Haluci shton se gjykatat janë në presion duke filluar nga kriminelët dhe deri te policia. ?Le  të verifikohen te gjitha dosjet. Gjykata e Shkalles se Parë nuk merr vendim përfundimtar.? thuhet në deklaratën e Kreut të Gjykatës së Vlorës, i cili shton se gjykatësi i akuzuar është ndër më të mirët në trupat gjykuese të Vlorës.





Lajmet e fundit nga