E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Ermonela Jaho, koncert me zërat e rinj lirikë në Tiranë

12 Mars 2016, 18:01, Kulturë CNA

-Sopranoja shqiptare me famë botërore Ermonela Jaho prej katër ditësh po punon në Teatrin e Operas dhe Baletit për të ushtruar zërat e rinj lirikë, duke finalizuar punën e saj me një koncert që do të mbahet sot në mbrëmje në Teatrin Kombëtar të Operës dhe Baletit.

Si një nga zërat më të shquar lirikë të operës botërore, Ermonela Jaho ka sakrifikuar kohën e saj për të zhvilluar fazën e dytë të projektit ?Master Klass? me talentet e reja të operës në Tiranë.

Jaho rrëfen për mediat arsyet e përkushtimit të saj më zërat lirikë shqiptarë. ?Të jesh artist duhet të jesh idealist po idealist jo në spekulimin e fjalës, idealist në kuptimin e vërtet të fjalës. Një idealist i vërtetë edhe aty ku nuk ka kohë, ku koha është e ngjeshur. Ai do ta gjejë atë momentin për të bërë diçka të bukur dhe nuk është thjeshtë pse unë po vij dhe po jap eksperiencën time me këta këngëtarë, me këta artistë të rinj që unë i quaj kolegët e mi të rinj po është?. bëhem edhe unë një njeri më i mirë, një artiste më e mirë sepse është një shkëmbim emocionesh?, tha Jaho në një prononcim për median.

ermonela 1 Rreth katër orë në ditë Ermolena Jaho ka bërë gjithçka për këta studentë, madje edhe ushtrime të jogës për zërin, siç veproi edhe me një studente të kantos të ardhur nga Kosova.

?Mos të harrojmë që secili prej nesh është unik dhe ka atë emocionin e veçantë në mënyrën se si shprehet e sidomos në muzikë, kështu që edhe unë kam mësuar duke punuar me ta, kam mësuar jashtë mase?, shtoi Jaho.

Nga ana e tij, Drejtori i Teatrit të Operës dhe Baletit, Ilir Kerni e ka konsideruar ndihmën që iu jep Ermonela Jaho zërave te rinj lirikë, një shpresë për rritjen e nivelit të këngëtarëve.

?Impulsi që marrin ata nga energjia dhe metodologjia e saj është një gjë që është e pallogaritshme, gjë që s?do ta kishim mundësi ta kishim siç në këtë rast me një këngëtar të kalibrit botëror?, tha Kerni në një prononcim për median./ATA