web counter
LEXO PA REKLAMA!

SHKARKO APP

App Store
Google Play

E fundit!

x

Ali Pashë Tepelena i Meksit në gërma dhe i Begës në telajo

16 Shkurt 2016, 14:17, Kulturë CNA

Në Ekspozitën  ?Erotizmi i Ali Pashë Tepelenës?  të piktores së mirënjohur Natasha Bega, në Muzeun Kombëtar në Tiranë, ndodhen dhe dy vepra. E para është frymëzuar nga romani i Mira Meksit ? Frosina e Janinës? dhe mban diçiturën : Kush një trëndafile prek/ çpuar gjembash le të vdesë. Motivet, ngjyrat e tablosë, divani gjysmë oriental ku ndodhet e shtrirë në një limonti pothuaj orientale, Frosina, të fusin në atmosferën e kohës: Janina nën sundimin e pashait shqipar Ali Pasha Tepelena. Frosina, grekja e bukur mban në dorë një trëndafil të kuq. Është simboli i dashurisë së saj të zjarrtë për Muktar pashain, djalin e madh të Aliut, dhe njëkohësisht, trëndafili i tragjedisë së saj.

Tabloja e dytë, është frymëzuar nga romani ?Mallkimi i priftëresha të Ilirisë? i Meksit. Në qendër, e ndriçuar fort, figura e Teutës, e rrethuar nga një brerore mistike. Është Teuta me tërë tiparet e mrekullueshme të feminilitetit të sajnatashadhe njëkohësisht me forcën e saj prej mbretëreshe luftëtare. Në trup, gjarpri-totem i ilirive, i cili i jep Teutës hyjnizim dhe shpirt misionareje për të ardhmen e Ilirisë. Faltorja e Gjarprit, deti me lembet ilire, armët dhe gjer helmi, mallkimi i priftëreshave të Faltores, transmetojnë, brenda kësaj tabloje, pothuaj tërë simbolikën e romanin mbi Ilirinë.

Duket se për shkruajtësit e historisë, shkrimtarët, poetët, muzikanët dhe piktorët Ali Pasha ngacmon ende. Natasha Bega. piktorja dhe poetja e vendos sundimtarin e jugut të Shqiperisë së shekullit të 18 në  kete ekspozite ne erosin e tij.

Ajo e zhvesh nga tituj, gërmon me imagjinatë në qënien e tij për të kuptuar burimin e të mirës dhe të keqes të Ali Pashë Tepelena.Roli i  Pashait në këto punë nuk është ai i një protagonisti. Ai është mjeti përmes të cilit Natasha shkon drejt qëllimit, gruas si boshti i zhvillimit të botës. Dhe kjo ide merr formë në këtë flamur të ardhmërisë.

Mira Meksi është shkrimtare dhe përkthyese shqiptare. Meksi është nderuar me mjaft çmime prestigjioze shqiptare dhe të huaja, ku vlen per tu përmendur çmimi ?Përkthimi më i mirë i vitit 2006 ?me romanin ?Kujtim Kurvash të Trishta? nga Gabriel Garcia Marques dhënë nga Ministria e Kulturës. Vepra e shkrimtares Mira Meksi, është përkthyer në disa gjuhë të huaja si dhe është botuar nga disa shtëpi të huaja prestigjoze, ku përmendim botimin e Romanit ?E Kuqja e Demave?, i cili është rishkruar nga vetë autorja në frëngjisht dhe është botuar në Paris, nga shtëpia Botuese ?Persee?/ATSH





Lajmet e fundit nga